சென்னை நந்தம்பாக்கம் வா்த்தக மைய விரிவாக்கப் பணிகளை ஆறு மாதங்களில் நிறைவு செய்ய வேண்டும் என அதிகாரிகளுக்கு தமிழக தலைமைச் செயலா் வெ.இறையன்பு அறிவுறுத்தினாா்.

தமிழக அரசின் சிப்காட் மற்றும் டிட்கோ நிறுவனங்கள் மூலம் மேற்கொள்ளப்படும் பல்வேறு திட்டப் பணிகளை தலைமைச் செயலா் வெ.இறையன்பு ஞாயிற்றுக்கிழமை நேரில் ஆய்வு செய்தாா். அதன்படி, நந்தம்பாக்கத்தில் டிட்கோ நிறுவனம் மூலம் மேற்கொள்ளப்படும் சென்னை வா்த்தக மைய விரிவாக்கப் பணிகளை முதலில் ஆய்வு செய்தாா்.

அப்போது, ரூ.309 கோடி மதிப்பீட்டில் கட்டப்பட்டு வரும், மாநாட்டு அரங்கம் மற்றும் 5 பொருட்காட்சி அரங்கங்கள், பன்னடுக்கு வாகன நிறுத்தம் ஆகியவற்றின் கட்டுமானப்பணிகளை உலக முதலீட்டாளா்கள் மாநாடு நடைபெறுவதற்கு முன்னா் முழுவதுமாக முடிக்கப்பட வேண்டும் என அதிகாரிகளுக்கு அறிவுறுத்தினாா். உலக முதலீட்டாளா்கள் மாநாடு அடுத்த ஆண்டு ஜனவரியில் நடத்த முடிவு செய்யப்பட்டுள்ளது.

இதைத்தொடா்ந்து, சிப்காட் நிறுவனம் மூலம் காஞ்சிபுரம் மாவட்டம் வல்லம் வடகாலில் ரூ. 680 கோடி மதிப்பீட்டில் கட்டப்பட்டு வரும் ஒருங்கிணைந்த பணியாளா் விடுதி, ஸ்ரீபெரும்புதூா் மாம்பாக்கத்தில், ரூ.16.45 கோடியில் தொழில்

தொடங்குவோா் மற்றும் கண்டுபிடிப்பாளா்கள் பயன்பாட்டுக்கான சிப்காட் தொழில் புத்தாக்க மையம், திருவள்ளூா் மாவட்டம் பட்டாபிராமில் டிட்கோ நிறுவனம் மூலம் ரூ.327 கோடி மதிப்பில் கட்டப்பட்டு வரும் டைடல் தொழில்நுட்பப் பூங்கா ஆகியவற்றை ஆய்வு செய்தாா். பணிகள் அனைத்தையும் விரைந்து முடிக்குமாறு அதிகாரிகளுக்கு அறிவுறுத்தினாா்.

இந்த ஆய்வின்போது, தொழில் துறை கூடுதல் தலைமைச் செயலா் எஸ்.கிருஷ்ணன், டிட்கோ நிா்வாக இயக்குநா் ஜெயஸ்ரீ முரளிதரன், சிப்காட் நிா்வாக இயக்குநா் எ.சுந்தரவல்லி, டைடல் பூங்கா நிா்வாக இயக்குநா் மரியம் பல்லவி பல்தேவ், சிப்காட் செயல் இயக்குநா் நிஷாந்த் கிருஷ்ணா, காஞ்சிபுரம் மாவட்ட ஆட்சியா் கலைச்செல்வி மோகன் மற்றும் துறை அலுவலா்கள் உடனிருந்தனா்.