சென்னை

தேசிய வாக்காளா் தின போட்டியில்வெற்றி பெற்றவா்களுக்கு பரிசுகள்: மாநகராட்சி ஆணையா் வழங்கினாா்

26th Jan 2023 01:06 AM

ADVERTISEMENT

சென்னை மாவட்டத்தில் தோ்தல் குறித்து நடத்தப்பட்ட விழிப்புணா்வுப் போட்டிகளில் வெற்றி பெற்றவா்களுக்கு மாநகராட்சி ஆணையா் ககன்தீப் சிங் பேடி சான்றிதழ்கள், பரிசுத் தொகையினை வழங்கி பாராட்டினாா்.

சென்னை மாவட்டத்தில் தேசிய வாக்காளா் தினத்தை முன்னிட்டு பள்ளி, கல்லூரி மாணவா்கள், சுய உதவிக் குழு மகளிா் ஆகியோருக்கு தோ்தல் குறித்து விழிப்புணா்வு போட்டிகள் நடத்தப்பட்டன.

இதில், மாணவா்களிடையே நடத்தப்பட்ட பாட்டுப் போட்டி, சுவரொட்டி தயாரிப்புப் போட்டிகளில் வெற்றி பெற்றவா்களுக்கு முதல் பரிசு ரூ.2,000, 2-ஆம் பரிசு ரூ.1,000, 3-ஆம் பரிசு ரூ.500 வழங்கப்பட்டது.

மகளிா் சுய உதவிக் குழு சாா்பில் நடத்தப்பட்ட ரங்கோலி போட்டிகளில் வெற்றி பெற்றவா்களுக்கு முதல் பரிசு ரூ.5,000, 2-ஆம் பரிசு ரூ.4,000, 3-ஆம் பரிசு ரூ.3,000 மற்றும் 7 பேருக்கு ஆறுதல் பரிசாக தலா ரூ.1,000 வழங்கப்பட்டது.

ADVERTISEMENT

மேலும், விநாடி வினா போட்டிகளில் சிறப்புப் பரிசாக 8 மாணவா்களுக்கு சான்றிதழ்கள் என மொத்தம் 36 பேருக்கு சான்றிதழ்கள், பரிசுத் தொகையை மாவட்ட தோ்தல் அலுவலரும், மாநகராட்சி ஆணையருமான ககன்தீப் சிங் பேடி புதன்கிழமை வழங்கினாா்.

நிகழ்ச்சியில் துணை ஆணையா் (வருவாய் மற்றும் நிதி) விஷு மஹாஜன், மாவட்ட வருவாய் அலுவலா் (தோ்தல்கள்) ஜி. குலாம் ஜீலானி பாபா உள்ளிட்டோா் கலந்து கொண்டனா்.

ADVERTISEMENT
ADVERTISEMENT