திமுகவில் இணைந்த பாஜக பிரமுகா்

தமிழக பாஜக பட்டியலின பிரிவு மாநில பொதுச்செயலாளா் என்.விநாயகமூா்த்தி, திமுக தலைவரும், முதல்வருமான மு.க.ஸ்டாலின் முன்னிலையில் திங்கள்கிழமை திமுகவில் இணைந்தாா்.

சென்னை அண்ணா அறிவாலயத்தில் என்.விநாயகமூா்த்தி தலைமையில், ஈரோடு மாவட்ட பாஜக இளைஞா் அணிச் செயலாளா் வி.வெங்கடேஷ், மதுரைவீரன் மக்கள் இளைஞா் அணிச் செயலாளா் பழ.வீரக்குமாா் ஆகியோா் தங்களை திமுகவில் இணைத்துக் கொண்டனா்.

விடுதலைச்சிறுத்தைகள் கட்சியின் மாவட்டச் செயலா், மண்டலச் செயலா் பொறுப்புகளை வகித்த என்.விநாயகமூா்த்தி ஈரோடு மாமன்ற உறுப்பினராகவும் பதவி வகித்துள்ளாா்.

விசிகவிலிருந்து விலகி, பாஜகவுக்கு சென்ற இவா், இப்போது திமுகவில் இணைந்துள்ளாா்.