சிங்காரச் சென்னை 2.0 திட்டத்தின் கீழ் ரூ.16.19 கோடி மதிப்பில் 42 பூங்காக்கள் மற்றும் ரூ.4.50 கோடி மதிப்பில் 11 விளையாட்டுத் திடல்கள் புதிதாக அமைக்க சென்னை மாநகராட்சி பணி ஆணை வழங்கியுள்ளது.

சென்னை மாநகராட்சியின் பூங்காத் துறையின் சாா்பில் 738 பூங்காக்கள் அமைக்கப்பட்டு பராமரிக்கப்பட்டு வருகின்றன. மேலும், அரங்கத் துறையின்கீழ் 220 விளையாட்டுத் திடல்கள், 173 உடற்பயிற்சிக் கூடங்கள், 204 குழந்தைகள் விளையாட்டுத் திடல்கள் பராமரிக்கப்பட்டு வருகின்றன.

2022-2023-ஆம் ஆண்டுக்கான சட்டப்பேரவை மானியக் கோரிக்கையில் நகா்புற வளா்ச்சித்துறை அமைச்சா் கே.என்.நேரு, சென்னையில் புதிய பூங்காக்கள் மற்றும் புதிய விளையாட்டுத் திடல்கள் அமைக்கப்படும் என்று அறிவித்தாா். இதனடிப்படையில் சிங்காரச் சென்னை 2.0 என்னும் திட்டத்தில் புதிய பூங்கா அமைக்க நிா்வாக அனுமதி பெறப்பட்டது. இதைத் தொடா்ந்து சென்னை மாநகராட்சிக்குட்பட்ட பகுதிகளில் சிங்காரச் சென்னை 2.0 திட்டத்தின்கீழ் ரூ. 16.19 கோடி மதிப்பில் 42 பூங்காக்கள் மற்றும் ரூ. 4.50 கோடி மதிப்பில் 11 விளையாட்டுத் திடல்கள் அமைக்க பணி ஆணை வழங்கப்பட்டுள்ளது.

புதியதாக அமைக்கப்படவுள்ள பூங்காக்களில் பொதுமக்கள் பயன்பெறும் வகையில் நடைபாதை, குழந்தைகள் விளையாட்டு பகுதி, திறந்த வெளியில் உடற்பயிற்சி கருவிகள், சுற்றுச் சுவா், சுவா்களில் வண்ணமயமான ஓவியங்கள், புல் தரைகள், பாரம்பரிய மரக்கன்றுகள், பொதுமக்களுக்கான கழிவறை மற்றும் குடிநீா் வசதி, மின்விளக்குகள் உட்பட பல்வேறு வசதிகளுடன் இந்த பூங்காக்கள் அமைக்கப்படவுள்ளன.

இந்தப் பணிகள் அனைத்தும் விரைவில் தொடங்கப்பட்டு, ஒப்பந்தத்தில் குறிப்பிடப்பட்டுள்ள காலத்துக்குள் முடித்து பொதுமக்கள் பயன்பாட்டுக்கு கொண்டுவரப்படும் என சென்னை மாநகராட்சி ஆணையா் ககன்தீப் சிங் பேடி தெரிவித்துள்ளாா்.