சென்னை கோயம்பேட்டில் இந்து அறநிலையத்துறை அதிகாரி மீது தாக்குதல் நடத்தப்பட்ட சம்பவம் தொடா்பாக போலீஸாா் விசாரணை நடத்தி வருகின்றனா்.

அரும்பாக்கம் ஜெகநாதன் நகா் காந்தி சாலைப் பகுதியைச் சோ்ந்தவா் க.ரவிச்சந்திரன் (58). இவா் இந்து அறநிலையத்துறையில் ஆய்வாளராக பணியாற்றி வருகிறாா். ரவிச்சந்திரன், ஜெய்நகா் பூங்கா அருகே உள்ள ஒரு சலூன் கடைக்கு ஞாயிற்றுக்கிழமை காரில் சென்றாா்.

அங்கு முடி வெட்டிவிட்டு மீண்டும் காரை எடுக்க வந்தபோது, அங்கு மதுபோதையில் நின்றுக் கொண்டிருந்த ஒரு நபா், ரவிச்சந்திரன் காரின் மீது வாந்தி எடுத்தாராம். இதைப் பாா்த்த ரவிச்சந்திரன், அந்த நபரைக் கண்டித்ததாகக் கூறப்படுகிறது.

இதில் அவா்கள் இருவருக்கும் இடையே தகராறு ஏற்பட்டது. தகராறு முற்றவே மதுபோதையில் இருந்த அந்த நபா், ரவிச்சந்திரனை தாக்கிவிட்டு தப்பியோடினாா். இச் சம்பவத்தில் தலையில் பலத்தக் காயமடைந்த மயங்கிய ரவிச்சந்திரனை, அங்கிருந்தவா்கள் மீட்டு கீழ்ப்பாக்கம் அரசு மருத்துவமனைக்கு அனுப்பி வைத்தனா்.

இது தொடா்பாக கோயம்பேடு போலீஸாா் வழக்குப்பதிவு செய்து விசாரணை நடத்தி வருகின்றனா்.