சென்னை, ராஜீவ் காந்தி அரசு பொது மருத்துவமனையில் 50 வயதுடைய பொறியாளா் ஒருவருக்கு இதய மாற்று அறுவை சிகிச்சை வெற்றிகரமாக மேற்கொள்ளப்பட்டுள்ளது.

ஏறத்தாழ மூன்று ஆண்டுகளுக்குப் பிறகு மேற்கொள்ளப்படும் இதய மாற்று சிகிச்சை இது என்று மருத்துவா்கள் தெரிவித்துள்ளனா்.

புதுக்கோட்டையை சோ்ந்த 50 வயது பொறியாளா் ஒருவா், துபையில் கடந்த 20 ஆண்டுகளுக்கும் மேலாக பணியாற்றி வந்தாா். சா்க்கரை நோயாளியான அவருக்கு சில ஆண்டுகளுக்கு முன்பு மாரடைப்பு ஏற்பட்டு அதற்காக இதய ரத்த நாளத்தில் ஸ்டென்ட் உபகரணம் பொருத்தப்பட்டது.

இருந்தபோதிலும், தொடா்ந்து அவருக்கு இதயம் சாா்ந்த பாதிப்புகள் ஏற்பட்டுள்ளன. இந்நிலையில், சென்னை ராஜீவ் காந்தி அரசு பொது மருத்துவமனையில் கடந்த ஜூலை மாதம் அவா் அனுமதிக்கப்பட்டாா்.

மருத்துவப் பரிசோதனையில் இதய தமனி பாதிப்புகள் அவருக்கு இருப்பது கண்டறியப்பட்டது. அதன் தாக்கமாக இதயத்தில் இருந்து உடலுக்கு ரத்தத்தை உந்தித் தருவதற்கான செயல்பாட்டை இதயம் இழந்ததும், அதனால் ‘காா்டியோ மையோபதி’ எனப்படும் இதய செயலிழப்பு பிரச்னை அவருக்கு ஏற்பட்டதும் தெரியவந்தது.

இதனால் இதய மாற்று சிகிச்சை மட்டுமே அவருக்கு தீா்வா க இருந்தது. இதற்காக, தமிழக உடல் உறுப்பு மாற்று சிகிச்சை ஆணையத்தில் பதிவு செய்யப்பட்டது.

இந்நிலையில், கடந்த 17-ஆம் தேதி சென்னை ராஜீவ் காந்தி அரசு பொது மருத்துவமனையில் சிகிச்சை பெற்று வந்த ஒருவா் மூளைச்சாவு அடைந்தாா். அவரது உறுப்புகளை உறவினா்கள் தானம் செய்தனா். அவரது இதயத்தை புதுக்கோட்டை பொறியாளருக்கு பொருத்த மருத்துவா்கள் முடிவு செய்தனா்.

அதன்படி, மருத்துவமனையின் இதயம் மற்றும் நெஞ்சக அறுவைச் சிகிச்சை துறைத் தலைவா் டாக்டா் ப.மாரியப்பன் தலைமையில் மயக்க மருத்துவா் கணேஷ், இதய அறுவைச் சிகிச்சை மருத்துவா் மனோகா், மருத்துவா்கள் அஜய், சிவன்ராஜ், செவிலியா்கள் ஜமுனா, இதய செயல்பாட்டு கருவி நுட்பனா் சுமதி, இசிஜி நுட்பனா் அஞ்சலி ஆகியோா் கொண்ட குழுவினா் 5 மணி நேரம் அறுவைச் சிகிச்சை செய்து வெற்றிகரமாக இதயத்தைப் பொருத்தினா்.

இரு வாரங்களாக மருத்துவா்களின் தீவிர கண்காணிப்பில் இருந்த அவா் பூரணமாக குணமடைந்துள்ளாா். இதுதொடா்பாக ராஜீவ் காந்தி மருத்துவமனையின் முதல்வா் டாக்டா் தேரணிராஜன் கூறியதாவது:

சம்பந்தப்பட்ட நோயாளிக்கு மேற்கொள்ளப்பட்டுள்ள இதய மாற்று அறுவை சிகிச்சையை தனியாா் மருத்துவமனைகளில் மேற்கொள்ள ரூ.80 லட்சத்திலிருந்து ரூ.1 கோடி வரை செலவாகும். இங்கு முதலமைச்சரின் விரிவான மருத்துவக் காப்பீட்டுத் திட்டத்தில் கட்டணமின்றி செய்யப்பட்டுள்ளது. இந்த மருத்துவமனையில் இதுவரை மொத்தம் 13 இதய மாற்று அறுவைச் சிகிச்சைகள் நடைபெற்றுள்ளன.

மூன்று ஆண்டு கரோனா பெருந்தொற்று காலத்துக்கு பின்னா் நடந்த முதல் இதய மாற்று அறுவைச் சிகிச்சை இதுவாகும் என்றாா் அவா். இந்த சந்திப்பின்போது மருத்துவமனையின் கண்காணிப்பாளா் டாக்டா் என்.கோபாலகிருஷ்ணன், நிலைய மருத்துவ அதிகாரி டாக்டா் சுப்ரமணியன் உள்ளிட்டோா் உடனிருந்தனா்.