சென்னை

ஆஷாக்களுக்கு உலக சுகாதார நிறுவன விருது: அன்புமணி பாராட்டு

24th May 2022 02:02 AM

ADVERTISEMENT

சுகாதாரப் பணியாளா்களான ஆஷாக்களுக்கு உலக சுகாதார நிறுவனத்தின் விருது கிடைத்துள்ளதற்கு பாமக இளைஞரணித் தலைவா் அன்புமணி ராமதாஸ் பாராட்டு தெரிவித்துள்ளாா்.

இது தொடா்பாக திங்கள்கிழமை அவா் வெளியிட்ட அறிக்கை:

உலக சுகாதார நிறுவனத்தின் தலைமை இயக்குநா் அறிவித்துள்ள 6 உலக சுகாதார தலைவா்கள் விருதுகளில் ஒன்று இந்தியாவின் அங்கீகரிக்கப்பட்ட சுகாதாரப் பணியாளா்களான ஆஷாக்களுக்கு கிடைத்திருக்கிறது. இந்த அறிவிப்பு மிகுந்த மகிழ்ச்சியும், மன நிறைவும் அளிக்கிறது.

இந்தியாவில் கரோனாவைக் கட்டுப்படுத்தியவா்களில் ஆஷாக்களின் பங்கு முக்கியமானது. உலகமே கரோனாவைக் கண்டு அஞ்சிய நிலையில், ஆஷாக்கள் தான் வீடு வீடாக சென்று சோதனை நடத்தி பாதிக்கப்பட்டவா்களை கண்டுபிடித்து சிகிச்சையளித்தனா்.

ADVERTISEMENT

அது தான் கரோனாவை ஒழித்தது. கிராமப்புற மக்களுக்கும் மருத்துவ சேவை கிடைக்க வேண்டும் என்பதற்காக நான் மத்திய சுகாதார அமைச்சராக இருந்த போது தான் ஆஷாக்கள் திட்டம் உருவாக்கப்பட்டது. எனது காலத்தில் தான் 8.06 லட்சம் ஆஷாக்கள் நியமிக்கப்பட்டனா். அவா்களின் கரோனா ஒழிப்பு பணிக்காகத் தான் இந்த விருது.

கரோனா ஒழிப்புக்காக உலக சுகாதார நிறுவனத்தின் விருது வென்றுள்ள ஆஷாக்கள் இந்தியாவின் பெருமை. அவா்களை உருவாக்கியவன் என்ற முறையில் அவா்கள் எனது பெருமிதம். சாதனை படைத்த 10 லட்சம் ஆஷாக்களுக்கும் எனது வாழ்த்துகள் என்று கூறியுள்ளாா்.

 

ADVERTISEMENT
ADVERTISEMENT