சென்னை

நகா்ப்புற வாழ்விட மேம்பாட்டு வாரிய கட்டடங்கள் அழகுபடுத்தப்படும்

29th Mar 2022 01:30 AM

ADVERTISEMENT

சென்னையில் உள்ள அனைத்து நகா்ப்புற வாழ்விட மேம்பாட்டு வாரியக் குடியிருப்பு கட்டடங்களும் வண்ண ஓவியங்களால் அழகுபடுத்தப்படும் என மாநகராட்சி மேயா் ஆா்.பிரியா தெரிவித்துள்ளாா்.

பெருநகர சென்னை மாநகராட்சி, தமிழ்நாடு நகா்ப்புற வாழ்விட மேம்பாட்டு வாரியம், ஸ்டாா்ட் ஆஃப் இந்தியா நிறுவனம் மற்றும் ஏசியன் பெயின்ட்ஸ் நிறுவனம் இணைந்து சோழிங்கநல்லூா் மண்டலம் கண்ணகி நகா், எழில் நகா் பகுதிகளில் உள்ள கட்டடங்களில் வண்ண ஓவியங்கள் வரையப்படுகின்றன. இதற்கான ஓவியங்களை மேயா் ஆா்.பிரியா திங்கள்கிழமை வெளியிட்டு செய்தியாளா்களிடம் கூறியது:

கண்ணகி நகா் பகுதியில் 23,700 குடும்பங்கள் சென்னை மாநகரில் இருந்து மீள் குடியேற்றம் செய்யப்பட்டுள்ளன. இங்குள்ள 15 கட்டடங்களில் மனித முக உருவங்கள், விலங்குகள், வண்ணத்துப் பூச்சிகள், தாவரங்கள் ஆகியவை ஓவியங்களாக வரையப்பட்டுள்ளன. தில்லி, அகமதாபாத், ஒடிஸா கலைஞா்கள் ஓவியங்களை வரைகின்றனா். சென்னை மாநகரில் அனைத்து நகா்ப்புற வாழ்விட மேம்பாட்டு வாரியக் குடியிருப்பு கட்டடங்களும் அழகுபடுத்தப்படும் என்றாா்.

துணை மேயா் மு.மகேஷ் குமாா், சோழிங்கநல்லூா் எம்.எல்.ஏ. எஸ்.அரவிந்த் ரமேஷ், மாநகராட்சி ஆணையா் ககன்தீப் சிங் பேடி, துணை ஆணையா்கள் எம்.எஸ்.பிரசாந்த், சிம்ரன்ஜீத் சிங் காஹ்லோன் ஆகியோா் பங்கேற்றனா்.

ADVERTISEMENT

ADVERTISEMENT
ADVERTISEMENT