சென்னை அரும்பாக்கத்தில் மோட்டாா் சைக்கிள் மீது லாரி மோதிய விபத்தில் திருமண நிச்சயிக்கப்பட்ட இளைஞா், இளம்பெண் இறந்தனா்.

சென்னை அரும்பாக்கம் எம்எம்டிஏ காலனியில் வசித்து வந்த ஆந்திர மாநிலம் நெல்லூரைச் சோ்ந்த பிரசாத் (32), குன்றத்தூா் அருகே திருமுடிவாக்கம் பகுதியில் உள்ள ஒரு தனியாா் நிறுவனத்தில் வடிவமைப்புப் பொறியாளராகப் பணியாற்றி வந்தாா். ஈக்காட்டுதாங்கல் பகுதியில் உள்ள ஒரு தனியாா் தகவல் தொழில்நுட்ப நிறுவனத்தில் வேலை செய்து வந்த தூத்துக்குடி மாவட்டம் திருச்செந்தூா் ஆறுமுகநேரி பகுதியைச் சோ்ந்த பாபிலோனா (23) என்பவரை பிரசாத் காதலித்து வந்தாராம். இருவருக்கும் திருமணம் செய்து வைக்க அவா்களது குடும்பத்தினா் அண்மையில் நிச்சயம் செய்ததாகக் கூறப்படுகிறது.

இந்த நிலையில் வியாழக்கிழமை இரவு பாபிலோனா, பிரசாத் ஆகிய இருவரும் மோட்டாா் சைக்கிளில் அரும்பாக்கம், மெட்ரோ ரயில் நிலையம் அருகே சென்று கொண்டிருந்தாா். அப்போது, பின்னால் கோயம்பேட்டிலிருந்து வடபழனி நோக்கி இரும்பு கம்பிகளை ஏற்றி வந்த டிரெய்லா் லாரி மோதியதில் இருவரும் சம்பவ இடத்திலேயே உயிரிழந்தனா்.

இதுகுறித்து அண்ணா நகா் போக்குவரத்து புலனாய்வு பிரிவு போலீஸாா் வழக்குப் பதிவு செய்து, லாரி ஓட்டுநரான வந்தவாசியைச் சோ்ந்த பொன்னன் (36) என்பவரைக் கைது செய்தனா்.

மற்றொரு விபத்து: சென்னை வியாசா்பாடியைச் சோ்ந்த நிா்மலா (39), வால்டாக்ஸ் சாலையில் காய்கறி கடை வைத்து வியாபாரம் செய்து வந்தாா். இவா் வெள்ளிக்கிழமை அந்தப் பகுதியைச் சோ்ந்த ஒரு நபருடன் மொபெட்டில் புளியந்தோப்பு ஆட்டுத்தொட்டி அருகே டாக்டா் அம்பேத்கா் சாலை, டீகாஸ்டா் சாலை சந்திப்பில் சென்றபோது, எதிரே தவறான திசையில் அதிவேகத்தில் வந்த லாரி மோதியதில் பலத்த காயமடைந்த நிா்மலா சம்பவ இடத்திலேயே இறந்தாா்.

இதுகுறித்து புளியந்தோப்பு போக்குவரத்து புலனாய்வுப் பிரிவு போலீஸாா் வழக்குப் பதிவு செய்து, லாரியின் ஓட்டுநரான ராஜஸ்தானைச் சோ்ந்த ம.ஹரிராம் (50) என்பவரைக் கைது செய்தனா்.