வண்டலூரை அடுத்த ரத்னமங்கலம் தாகூா் பல் மருத்துவக் கல்லூரி மாணவா்கள் ‘ஸ்டாா்ட் அப்’ நிறுவனங்கள் தொடங்க ‘கிரசென்ட் ஸ்டாா்ட் அப்’ ஊக்குவிப்பு மையத்துடன் புரிந்துணா்வு ஒப்பந்தம் மேற்கொள்ளும் நிகழ்ச்சி அண்மையில் நடைபெற்றது.
தாகூா் கல்விக் குழுமத் தலைவா் பேராசிரியா் எம்.மாலை முன்னிலையில் இந்த புரிந்துணா்வு ஒப்பந்தத்தில் தாகூா் பல் மருத்துவக் கல்லூரி முதல்வா் சி.ஜெ.வெங்கடகிருஷ்ணன், கிரசென்ட் ஸ்டாா்ட் அப் ஊக்குவிப்பு மையத்தின் பொது மேலாளா் பிரேம்குமாா் ஆகியோா் கையொப்பமிட்டு பரிமாறிக்கொண்டனா்.
கல்லூரி முதல்வா் சி.ஜெ.வெங்கடகிருஷ்ணன் கூறுகையில், ‘இந்த புரிந்துணா்வு ஒப்பந்தம் மூலம் மாணவா்கள், கல்லூரி ஆய்வு பரிசோதனைக் கூடத்தில் பல் மருத்துவ சிகிச்சை தொடா்பாக நோயாளிகள் பயன் அடையும் வகையில் ஸ்டாா்ட் அப் மூலம் தேவையான உபகரணங்கள் தயாரிக்க நிதி உதவி, காப்புரிமை உள்ளிட்ட வசதிகளைப் பெற முடியும்’ என்றாா்.
தாகூா் மருத்துவக் கல்லூரி முதல்வா் ஜெ.முத்துகுமரன், சிம்பயோன் லேப்ஸ் நிா்வாகி பிரசாந்த், பல் மருத்துவக் கல்லூரி துணை முதல்வா் எஸ்.பாலகோபால் உள்ளிட்டோா் பங்கேற்றனா்.