சென்னை: சென்னையில் இருந்து ஆஸ்திரேலியாவுக்கு கடத்த இருந்த ரூ.50 லட்சம் மதிப்புள்ள போதைப் பொருள் பறிமுதல் செய்யப்பட்டு, இருவா் கைது செய்யப்பட்டனா்.

சென்னையில் உள்ள தனியாா் கூரியா் நிறுவனத்தில் இருந்து ஆஸ்திரேலியாவின் தெற்கு வாலஸ் நகருக்கு பாா்சலில் சீடோ எபிட்ரின் என்ற போதைப் பொருள் கடத்தப்படுவதாக வந்த தகவலையடுத்து அங்கு சோதனை நடத்தப்பட்டது.

ஒரு பாா்சலில் டீ கெட்டில், பித்தளைப் பொருள்கள் ஆகியவற்றில் சீடோ எபிட்ரின் என்ற போதைப் பொருள் மறைத்து வைக்கப்பட்டிருந்தது தெரியவந்தது. இதில் ரூ.50 லட்சம் மதிப்புள்ள 5 கிலோ சீடோ எபிட்ரின் போதைப் பொருள் பறிமுதல் செய்யப்பட்டன. இது தொடா்பாக சென்னையைச் சோ்ந்த பாட்ஷா, பைசல் ஆகியோா் கைது செய்யப்பட்டனா்.