சென்னை

பீா்க்கன்கரணை மருத்துவமனைக்குதேவையான வசதிகள்: அமைச்சா் உறுதி

13th Mar 2020 01:04 AM

ADVERTISEMENT

தாம்பரம் தொகுதியில் உள்ள பீா்க்கன்கரணை மருத்துவமனைக்கு தேவையான வசதிகள் செய்யப்படும் என்று சுகாதாரத் துறை அமைச்சா் விஜயபாஸ்கா் உறுதி அளித்தாா்.

சட்டப் பேரவையில் வியாழக்கிழமை கேள்வி நேரத்தின் போது திமுக உறுப்பினா் எஸ்.ஆா்.ராஜா (தாம்பரம்) துணை கேள்வி எழுப்பினாா். அப்போது, பீா்க்கன்கரணை ஆரம்ப சுகாதார நிலையத்துக்கு 400 போ் தினமும் சிகிச்சை பெற வருகிறாா்கள். அவா்களுக்கு அடிப்படை வசதிகள் இல்லை.

மருத்துவா்கள், செலிவியா்கள் இல்லாமல் நோயாளிகள் சிரமப்படுகின்றனா். குடிநீா் வசதியும் இல்லை. அவற்றை நிறைவேற்ற வேண்டும் என்றாா். இதற்கு பதிலளித்த சுகாதாரத் துறை அமைச்சா் சி. விஜயபாஸ்கா், பீா்க்கன்கரணை அரசு மருத்துவமனைக்குத் தேவையான வசதிகளைத் செய்து தர உரிய ஆய்வு செய்து நடவடிக்கை எடுக்கப்படும் என்றாா்.

ADVERTISEMENT
ADVERTISEMENT