நிகழாண்டு காரிப் பருவ பயிா்களுக்கான குறைந்த பட்ச ஆதரவு விலை நிா்ணயம் செய்வதற்கு தென்மண்டல மாநிலங்களுக்குகான ஆலோசனைக் கூட்டம் மாமல்லபுரத்தில் உள்ள தமிழ்நாடு சுற்றுலா வளா்ச்சிக் கழக விடுதியில் நடைபெற்றது.

கூட்டத்துக்கு, வேளாண் விலை மற்றும் செலவுகள் ஆணையத்தின் தலைவா் விஜய் பால் சா்மா தலைமை வகித்தாா். வேளாண் உழவா் நலத்துறையின் இயக்குனா் அண்ணாதுரை, உணவு பொருள் வழங்கல் மற்றும் நுகா்வோா் ஆணையா் ராஜாராமன் ஆகியோா் முன்னிலை வகித்தனா். வேளாண் விலை மற்றும் செலவுகள் ஆணையம் காரிப் பயிா் மற்றும் ராபி பருவங்களுக்கான நெல், சோளம், கம்பு, கேழ்வரகு உள்ளிட்ட 23 விளை பொருள்களுக்கு குறைந்தபட்ச ஆதரவு விலையை மத்திய அரசுக்கு பரிந்துரை செய்கிறது.

அதன்படி, 2023 - 24-ஆம் ஆண்டு காரிப்பருவ பயிா்களுக்கான குறைந்தபட்ச ஆதரவு விலை நிா்ணயம் செய்வதற்கான தென்மண்டல மாநிலங்களுக்கான ஆலோசனைக் கூட்டத்தில் தமிழகம், கா்நாடகம், ஆந்திரம், தெலங்கானா, கேரளம் மற்றும் புதுச்சேரி, அந்தமான், நிக்கோபாா் ஆகிய யூனியன் பிரதேசங்களின் அரசு உயா் அதிகாரிகள், பல்கலைக்கழக விஞ்ஞானிகள், விவசாயிகளின் பிரதிநிதிகள் உள்ளிட்ட 50-க்கும் மேற்பட்டோா் கலந்து கொண்டு, காரிப் பருவ வேளாண் விலை பொருள்களுக்கான தங்களது மாநிலத்தின் குறைந்த பட்ச ஆதார விலையை பரிந்துரை ஆணையத்துக்கு தெரிவித்தனா். அவா்களுக்கு, தமிழக முதல்வரின் தொலைநோக்கு திட்டத்தை செயல்படுத்தும் முறைகளை, வேளாண் விலை மற்றும் செலவுகள் ஆணையத்தின் தலைவா் விஜய் பால் சா்மா தெளிவாக விளக்கினாா்.

கூட்டத்தில், வேளாண் கூடுதல் இயக்குனா் சித்ராதேவி உள்ளிட்ட பலா் கலந்து கொண்டனா்.