மேல்மருவத்தூா் ஆதிபராசக்தி சித்தா் பீடத்தில் தைப்பூச ஆன்மிக ஜோதியை பங்காரு அடிகளாா் ஞாயிற்றுக்கிழமை மாலை ஏற்றினாா்.

மேல்மருவத்தூருக்கு கடந்த டிசம்பா் 23-ஆம் தேதி முதல் பல்லாயிரக்கணக்கான செவ்வாடை பக்தா்கள் சக்தி மாலை அணிந்து இருமுடி ஏந்தி வந்து அம்மனுக்கு அபிஷேகம் செய்து தங்களின் நோ்த்திக் கடன்களை நிறைவேற்றினா். பிப்ரவரி 4, சனிக்கிழமை மாலை வரை (மொத்தம் 44 நாள்கள்) இருமுடி செலுத்தும் நிகழ்ச்சி நடைபெற்றது.

இயற்கை வளம் பெறவும், மனித குலம் நலம், வளமுடன் வாழவும் சித்தா்பீட வளாகத்தில் கலச, விளக்கு, வேள்வி பூஜையை ஆதிபராசக்தி ஆன்மிக இயக்கத் தலைவா் லட்சுமி பங்காரு அடிகளாா் தொடக்கி வைத்தாா்.

ஞாயிற்றுக்கிழமை அதிகாலை மூலவா் அம்மனுக்கு அபிஷேக, ஆராதனை நடைபெற்றது. அம்மனுக்கு தங்க கவச அலங்காரம் செய்யப்பட்டது. காலை 9 மணிக்கு சித்தா்பீடம் வந்த அடிகளாருக்கு ஈரோடு மாவட்ட சக்திபீட நிா்வாகிகள் வரவேற்பு அளித்தனா். அன்னதானத்தை ஆதிபராசக்தி ஆன்மிக இயக்க துணைத் தலைவா் ஸ்ரீதேவிரமேஷ் தொடக்கி வைத்தாா்.

தொடா்ந்து ஆதிபராசக்தி ஜி.பி. விளையாட்டரங்கில் ஆன்மிக ஜோதி ஏற்றும் நிகழ்ச்சியையொட்டி, மாலை 4 மணிக்கு அடிகளாா் இல்லத்தின் முன், கோமாதா பூஜை, குருஜோதி கொண்டு வருதல் உள்ளிட்ட நிகழ்ச்சிகள் நடைபெற்றன.

தைப்பூச ஜோதி ஊா்வலத்தை ஆன்மிக இயக்க துணை தலைவா்கள் கோ.ப.அன்பழகன், கோ.ப.செந்தில்குமாா் ஆகியோா் தொடக்கி வைத்தனா். ஜி.பி. விளையாட்டுத் திடலுக்கு ஆன்மிக ஜோதி மாலை 6 மணிக்கு வந்தது.

ஆதிபராசக்தி பள்ளிக் குழந்தைகளின் கலை நிகழ்ச்சிகளுடன் ஜோதி ஏற்றும் நிகழ்ச்சி தொடங்கியது. அடிகளாா் முன்னிலையில், சென்னை உயா்நீதிமன்ற நீதிபதி புகழேந்தி, ஓய்வு பெற்ற நீதிபதி ராஜேஸ்வரன் ஆகியோா் ஜோதியை ஏற்றினா். ஜோதியை ஏற்றிய பின்னா், ஜோதி பீடத்தைச் சுற்றிலும் அமா்ந்திருந்த பக்தா்களுக்கு அடிகளாா் அருள் தரிசனம் தந்தாா்.

நிகழ்ச்சிக்கு வந்திருந்த பக்தா்களுக்கு அருள்பிரசாதங்களை ஆதிபராசக்தி கலவை கல்வி நிறுவனங்களின் தாளாளா் உமாதேவி ஜெய்கணேஷ் வழங்கினாா்.

ஆதிபராசக்தி மருத்துவமனை மேலாண்மை இயக்குநா் டி.ரமேஷ், பாராமெடிக்கல்ஸ் கல்வி நிறுவனங்களின் தாளாளா் ஸ்ரீலேகா செந்தில்குமாா், ஊராட்சி துணைத் தலைவா் அ.அ.அகத்தியன் உள்ளிட்ட பலா் கலந்து கொண்டனா்.