திருப்போரூா் கந்தசாமி கோயிலில் தைப்பூசத்தையொட்டி ஞாயிற்றுக்கிழமை தெப்பத் திருவிழா நடைபெற்றது.

இகையொட்டி, உற்சவ முா்த்தி சிறப்பு அலங்காரத்தில் சரவணப் பொய்கை குளத்தில் மின்விளக்கு அலங்காரத்துடன் இருந்த தெப்பத்தில் எழுந்தருளினாா். திருக்குளத்தை சுற்றி இருந்த பக்தா்கள் தெப்பத்தின் கயிற்றைப் பிடித்து இழுத்து, கரையில் சுவாமிக்கு தேங்காய் உடைத்து கற்பூர ஆரத்தி காட்டி தரிசனம் செய்தனா்.

கண்ணகப்பட்டு வேம்படி விநாயகா் திருக்கோயிலிருந்து ஓஎம்ஆா் சாலை வழியாக ஆயிரக்கணக்கான பக்தா்கள் பால்குடம் , பால்காவடி , புஷ்பகாவடி மற்றும் அலகு குத்தி ஊா்வலமாக கந்தசாமி கோயிலை வந்தடைந்தனா். இதையடுத்து சாமிக்கு பாலாபிஷேகம் செய்யப்பட்டது. சிறப்பு அலங்காரம் விசேஷ பூஜைகள் நடைபெற்றது.. அதிகாலை முதலே பக்தா்கள் கூட்டம் அலைமோதியது. விழாவிற்கான ஏற்பாடுகளை கோயில் செயல் அலுவலா் வெங்கடேசன், மேலாளா் வெற்றிவேல் உள்ளிட்டோா் செய்திருந்தனா்.