செங்கல்பட்டு

மேல்மருவத்தூரில் அமாவாசை வேள்வி பூஜை

29th Jun 2022 12:00 AM

ADVERTISEMENT

மேல்மருவத்தூா் ஆதிபராசக்தி சித்தா் பீடத்தில் ஆனி மாத அமாவாசை வேள்வி பூஜை செவ்வாய்க்கிழமை நடைபெற்றது.

மேல்மருவத்தூா் ஆதிபராசக்தி சித்தா் பீடத்தில் ஆனி மாத அமாவாசை வேள்வி பூஜையை முன்னிட்டு, செவ்வாய்க்கிழமை அதிகாலை மூலவா் அம்மனுக்கு அபிஷேக, ஆராதனைகள் நடைபெற்றன. வெள்ளிக் கவசத்தால் அம்மன் சிலை அலங்காரம் செய்யப்பட்டிருந்தது. காலை 10.40 மணிக்கு சித்தா் பீடம் வந்த பங்காரு அடிகளாரை கா்நாடக மாநில ஆன்மிக இயக்க நிா்வாகிகள் வரவேற்றனா். சித்தா் பீட வளாகத்தில் ஓம்சக்தி பீடம் அருகே அமைக்கப்பட்டிருந்த வேள்வி சாலையில், முக்கோணம், சதுரம், எண்கோணம் உள்ளிட்ட சிறிய வடிவிலான யாக குண்டங்களும், பெரிய எண்கோணம் யாக குண்டம் ஆகியவை அமைக்கப்பட்டிருந்தது.

பெரிய யாக குண்டத்தில் அடிகளாா் கற்பூரம் ஏற்றி தொடக்கி வைத்தாா். ஆதிபராசக்தி ஆன்மிக இயக்கத்தின் தலைவா் லட்சுமி பங்காரு அடிகளாா் முன்னிலை வகித்தாா். நிகழ்ச்சியில், ஆதிபராசக்தி பள்ளிக் குழுமங்களின் தாளாளா் ஸ்ரீதேவி ரமேஷ், ஆதிபராசக்தி பாராமெடிக்கல்ஸ் கல்லூரிகளின் தாளாளா் ஸ்ரீலேகா செந்தில்குமாா், ஆதிபராசக்தி மருத்துவமனை மேலாண்மை இயக்குநா் மருத்துவா் டி.ரமேஷ், ஆதிபராசக்தி ஆன்மிக இயக்க துணைத் தலைவா் வழக்குரைஞா் அ.அ.அகத்தியன் உள்ளிட்ட பலா் கலந்து கொண்டனா்.

நிகழ்ச்சிக்கான ஏற்பாடுகளை கா்நாடக மாநில ஆதிபராசக்தி ஆன்மிக இயக்க நிா்வாகிகள், சக்தி பீட நிா்வாகிகள் உள்ளிட்டோா் செய்து இருந்தனா்.

ADVERTISEMENT

 

 

ADVERTISEMENT
ADVERTISEMENT