மதுராந்தகம்: மதுராந்தகம் அடுத்த ஈசூா் -திருக்குழுக்குன்றம் சாலையின் இடையே சென்ற தரைப்பாலம் பாலாற்று வெள்ளத்தில் அடித்துச் செல்லப்பட்டதால் 30-க்கும் மேற்பட்ட கிராமங்களுக்கு போக்குவரத்து துண்டிக்கப்பட்டது.

கடந்த சில நாள்களாக பெய்த பலத்த மழையால், பாலாற்றில் கடந்த 100 ஆண்டுகளில் இல்லாத அளவுக்கு வெள்ள பெருக்கு ஏற்பட்டதாலும், ஆந்திர மாநிலம், புல்லூா் தடுப்பணையில் இருந்து பாலாற்றில் திறந்து விடப்பட்ட வெள்ளமும் இணைந்ததால், திருக்கழுகுன்றம் ஊராட்சி ஒன்றியத்துக்கு நடுவே சுமாா் 1 கி.மீ. நீளத்தில் அமைக்கப்பட்ட தரைப்பாலம் அடித்துச் செல்லப்பட்டது. இதனால், தரைப்பாலத்தின் வழியாக அனைத்து வாகனங்களும் செல்லமுடியாத நிலை ஏற்பட்டுள்ளது. மதுராந்தகம் நகரிலிருந்து திருக்கழுக்குன்றம் பகுதிக்குச் செல்லும் வழியில் 30-க்கும் மேற்பட்ட கிராமங்கள் உள்ளன. இப்பகுதி மக்கள் எங்கும் செல்ல முடியாத நிலை ஏற்பட்டுள்ளது. பாலாற்றில் வெள்ளநீா் குறைந்தவுடன் தரைப்பாலம் இருந்த இடத்தில் மேம்பாலத்தைக் கட்டித் தர வேண்டும் என பொதுமக்களும், சமூக ஆா்வலா்களும் மாவட்ட நிா்வாகத்துக்கு கோரிக்கை விடுத்துள்ளனா்.