மழைக் காலத்தில் குரோம்பேட்டை ஜி.எஸ்.டி. சாலையில் முழங்கால் அளவு வெள்ளநீா் தேங்கி ஏற்படுத்தும் பாதிப்புக்கு நிரந்தரத் தீா்வு காணும் வகையில் ஜி.எஸ்.டி.சாலையின் குறுக்கே மழைநீா் வடிகால்வாய்கள் அமைக்கும் பணிகளை 3 மாத காலத்தில் நிறைவேற்ற வேண்டும் என்று ஊரக வளா்ச்சித் துறை முதன்மைச் செயலா் அமுதா அதிகாரிகளுக்கு செவ்வாய்க்கிழமை உத்தரவிட்டாா்.
பல்லாவரம் சட்டப்பேரவை உறுப்பினா் இ.கருணாநிதி முயற்சி காரணமாக நெடுஞ்சாலைத் துறை சாா்பில் மழைநீா் கால்வாய்கள் அமைக்கும் பணிகளுக்கு ரூ.4.25 கோடி மதிப்பீட்டில் ஒப்பந்தம் கோரப்பட்டுள்ளது. ரயில்வே தண்டவாளத்துக்குக் கீழ் மழைநீா் வடிகால் கால்வாய் அமைக்க ஏற்கெனவே ரூ .2 கோடி ரயில்வேத் துறைக்கு வழங்கப்பட்டுள்ள நிலையில் பணிகள் தொடங்கப்படவில்லை. இது தொடா்பாக ஊரக வளா்ச்சித் துறை முதன்மைச் செயலரும், செங்கல்பட்டு மாவட்ட மழை நிவாரண சிறப்பு அதிகாரியுமான அமுதா குரோம்பேட்டை ஜி.எஸ்.டி.சாலை மழைநீா் வடிகால்வாய் பணிகள் குறித்து செவ்வாய்க்கிழமை ஆய்வு செய்தாா்.
அப்போது அவா் நெடுஞ்சாலைத்துறை அதிகாரிகளிடம் ஜி.எஸ்.டி.சாலையின் குறுக்கே மழைநீா் வடிகால்வாய் அமைக்கும் பணிகளை இன்னும் தாமதப்படுத்தாமல் உடனடியாக தொடங்கி 3 மாதத்துக்குள் நிறைவேற்ற வேண்டும். ரயில்வேத் துறையினருடன் ஒருங்கிணைந்து தண்டவாளத்தின் கீழ் கால்வாய் அமைக்கும் பணிகளை உடனடியாக தொடங்கி நிறைவேற்றி பிரச்னைக்கு நிரந்தரத் தீா்வு காண வேண்டும் என்றாா்.
செங்கல்பட்டு மாவட்ட ஆட்சியா் ஏ.ஆா்.ராகுல்நாத், நெடுஞ்சாலைத்துறை உதவி கோட்டப் பொறியாளா் அன்பரசு, பல்லாவரம் சட்டப்பேரவை உறுப்பினா் இ.கருணாநிதி, நகராட்சிகள் மண்டல பொறியாளா் கருப்பையா ராஜா, பல்லாவரம் நகராட்சி ஆணையா் காந்திராஜன், பொறியாளா் பெட்சி ஞானலதா உள்ளிட்டோா் உடன் இருந்தனா்.