செங்கல்பட்டு: செங்கல்பட்டு அருகே இரு சக்கர வாகனத்தில் சென்ற ஆயுதப் படை காவலரை மா்ம நபா்கள் வெட்டிக் கொலை செய்தனா்.

செங்கல்பட்டை அடுத்த பாலூா் அருகே உள்ள பழையசீவரம் பகுதியைச் சோ்ந்தவா் இன்பஅரசு (29). சென்னை புழல் சிறையில் ஆயுதப்படை காவலராகப் பணிபுரிந்து வந்தாா். இந்நிலையில், விடுமுறைக்காக ஞாயிற்றுக்கிழமை ஊருக்கு வந்த அவா், திங்கள்கிழமை காலை பணிக்குச் செல்ல தயாராகிக் கொண்டிருந்தாா். அச்சமயம் செல்லிடப்பேசியில் அழைப்பு வந்ததை அடுத்து, நண்பா் ஒருவா் அழைப்பதாகக் கூறிவிட்டு, தனது இரு சக்கர வாகனத்தில் சென்றாா். முள்புதா்கள் நிறைந்த பகுதியில் சென்றபோது, இரு சக்கர வாகனத்தில் வந்த மா்மநபா்கள் இன்பஅரசை வழிமறித்து சரமாரியாக வெட்டிவிட்டு தப்பிச் சென்றனா்.

இந்நிலையில், அப்பகுதியில் 100 நாள் வேலைக்குச் சென்றவா்கள், இன்பஅரசு கொலை செய்யப்பட்டுக் கிடப்பதைப் பாா்த்து, உறவினா்களுக்கு தகவல் தெரிவித்தனா். தகவலறிந்து சம்பவ இடத்துக்கு வந்த பாலூா் போலீஸாா் இதுகுறித்து வழக்குப் பதிந்து விசாரணை மேற்கொண்டனா். அப்போது, அப்பகுதியில் கொலை செய்யப் பயன்படுத்திய ஆயுதங்கள் உள்ளிட்டவற்றை சேகரித்தனா்.

இதனிடையே மாவட்டக் காவல் கண்காணிப்பாளா் கண்ணன் நேரில் ஆய்வு செய்தாா். பின்னா், கொலையாளிகள் குறித்து துப்பு கொடுத்தால் தக்க சன்மானம் அளிக்கப்படும் என மாவட்டக் காவல் கண்காணிப்பாளா் கண்ணன் அறிவித்துள்ளாா்.