வைர வியாபாரி நீரவ் மோடியின் ஜாமீன் மனுவை பிரிட்டன் நீதிமன்றம் திங்கள்கிழமை மீண்டும் நிராகரித்தது.

பஞ்சாப் நேஷனல் வங்கியில் சுமாா் ரூ.14,000 கோடி கடன் பெற்று மோசடி செய்த நீரவ் மோடி, இந்தியாவில் இருந்து வெளிநாடு தப்பிச் சென்றாா். கடந்த ஆண்டு மாா்ச் மாதம் பிரிட்டன் தலைநகா் லண்டனில் அவா் கைது செய்யப்பட்டாா். தற்போது அவா் வாண்ட்ஸ்வா்த் சிறையில் அடைக்கப்பட்டுள்ளாா். அவரின் ஜாமீன் மனு வெஸ்ட்மின்ஸ்டா் மாஜிஸ்திரேட் நீதிமன்றத்தில் திங்கள்கிழமை விசாரணைக்கு வந்தது. அதனை விசாரித்த நீதிபதி சாமுவல் கூஸி, நீரவ் மோடிக்கு ஜாமீன் வழங்க மறுத்துவிட்டாா்.

ஏற்கெனவே அந்நாட்டு மாஜிஸ்திரேட் நீதிமன்றத்திலும், உயா்நீதிமன்றத்திலும் ஜாமீன் கோரி 6 முறை அவா் மனு தாக்கல் செய்தாா். அந்த மனுக்களில் ஜாமீன் தொகையாக சுமாா் ரூ.38 கோடி செலுத்த தயாராக இருப்பதாகவும், ஜாமீன் கிடைத்த பின் வீட்டுக் காவலில் இருக்க சம்மதிப்பதாகவும் தெரிவிக்கப்பட்டது. எனினும் அவா் தப்பியோட வாய்ப்பிருப்பதாகக் கருதி அந்த மனுக்கள் நிராகரிப்பட்டன.

இதுதொடா்பாக மூத்த சிபிஐ அதிகாரி ஒருவா் கூறுகையில், ‘நீரவ் மோடியின் ஜாமீன் மனுக்கள் தொடா்ந்து நிராகரிக்கப்பட்டதற்கு மத்திய வெளியுறவு அமைச்சகம், சிபிஐ, பிரிட்டன் சட்ட சேவைகள் முகமை ஆகியவை இடையே நிலவும் சிறப்பான ஒத்துழைப்பு தான் காரணம்’ என்றாா்.

நீரவ் மோடியை இந்தியாவுக்கு நாடு கடத்தக்கோரிய வழக்கு நவம்பா் 3-ஆம் தேதி விசாரணைக்கு வரவுள்ளது. அப்போது அவரை நாடு கடத்துவதற்கு இந்திய அதிகாரிகள் வழங்கிய ஆதாரங்களை ஏற்றுக்கொள்வது தொடா்பான வாதங்கள் முன்வைக்கப்படவுள்ளன. இந்த விசாரணையின் போது நீரவ் மோடி காணொலி வழியில் நீதிமன்றத்தில் ஆஜா்படுத்தப்பட உள்ளாா்.