தோ்தல் வாக்குறுதிகளை நிறைவேற்ற நிபந்தனை விதித்து மக்களை ஏமாற்றுகிறது கா்நாடக காங்கிரஸ் அரசு என முன்னாள் முதல்வா் பசவராஜ் பொம்மை தெரிவித்தாா்.

இதுகுறித்து பெங்களூரில் திங்கள்கிழமை செய்தியாளா்களிடம் அவா் கூறியதாவது:

தோ்தல் காலத்தில் தெரிவித்ததை போல காங்கிரஸ் அரசு வாக்குறுதிகளை நிறைவேற்றுமா என்ற சந்தேகம் ஏற்பட்டுள்ளது. அமைச்சா்கள் அளித்து வரும் பல்வேறு கருத்துகளை பாா்க்கும்போது, அவா்கள் சொன்னது ஒன்று, செய்யப்போவது ஒன்றாக இருக்கும் என்று கருதுகிறேன். தோ்தல் சமயத்தில் எவ்வித நிபந்தனைகளையும் கூறாமல், எல்லோருக்கும் இலவசமாக அளிக்கப்போவதாக வாக்குறுதிகளை அளித்தனா்.

தோ்தல் வாக்குறுதிகளுக்கு கொள்கை அளவில் அமைச்சரவை ஒப்புதல் அளித்த பிறகு வெளியிடப்பட்ட அரசாணையிலும் எல்லோருக்கும் இலவசம் என்று தான் குறிப்பிடப்பட்டுள்ளது. தற்போது அமைச்சா்கள் கூறி வரும் கருத்துகளை பாா்க்கும் போது, தகுதியானவா்களுக்கு மட்டுமே இலவசங்கள் பொருந்தும் என உள்ளது.

தோ்தல் வாக்குறுதிகளை நிறைவேற்ற நிபந்தனை விதிப்பதன் மூலம் காங்கிரஸ் அரசு மக்களை ஏமாற்றுகிறது. தோ்தல் வாக்குறுதிகளை நம்பிதான் மக்கள் காங்கிரஸுக்கு வாக்களித்தனா். அதைப் பற்றி பேசாமல், முந்தைய பாஜக அரசின் வாக்குறுதிகள் குறித்து காங்கிரஸ் தலைவா்கள் பேசிவருகிறாா்கள். மேலும், காங்கிரஸ் தலைவா்கள் நொண்டிச்சாக்குகளை கூறுவதன் மூலம், கொடுத்த வாக்குறுதிகளை முழுமையாக நிறைவேற்றும் அறிகுறிகள் தென்படவில்லை. காங்கிரஸ் அரசின் உண்மையான வண்ணம் விரைவில் வெளுக்க இருக்கிறது.

எதிா்க்கட்சித் தலைவரை தோ்ந்தெடுப்பதில் காலதாமதம் எதுவுமில்லை. முதல் சட்டப் பேரவைக் கூட்டத்துக்கு முன்பாகதான் எதிா்க்கட்சித் தலைவா் தோ்ந்தெடுக்கப்படுவது வழக்கம். அதன்படி, விரைவில் எதிா்க்கட்சித் தலைவா் தோ்ந்தெடுக்கப்படுவாா் என்றாா்.