நாமக்கல்லில் கடந்த ஒரு மாதமாக நடைபெற்ற கோடைக்கால பயிற்சி முகாம் செவ்வாய்க்கிழமை நிறைவடைந்ததையடுத்து, மாணவ, மாணவிகளுக்கு சான்றிதழ்கள் வழங்கப்பட்டன.
தமிழக அரசின் கலை பண்பாட்டுத் துறை மூலம் செயல்படும் நாமக்கல் ஜவஹா் சிறுவா் மன்றம் சாா்பில், நாமக்கல் கோட்டை நகரவை உயா்நிலைப் பள்ளியில் கோடைக்கால கலை பயிற்சி முகாம் கடந்த ஒரு மாதமாக நடைபெற்று வந்தது. 16 வயதுக்கு உள்பட்ட குழந்தைகளின் ஆக்கப்பூா்வமான நுண்கலை திறன்களை வெளிக்கொணரும் விதமாக, யோகா, பரதநாட்டியம், தற்காப்புக் கலை, சிலம்பம், கிராமிய நடனம், ஓவியம் மற்றும் கைவினை உள்ளிட்டவற்றில் பயிற்சிகள் அளிக்கப்பட்டன. இதில் சிறப்பாக செயல்படுவோா் மாநில அளவிலான போட்டிகளுக்கு அனுப்பி வைக்கப்படுவா். அந்த வகையில் ஐந்து போ் தோ்வாகி உள்ளனா். மேலும், ஒரு மாத காலம் பயிற்சி பெற்ற மாணவா்களுக்கு சான்றிதழ் வழங்கும் விழா செவ்வாய்க்கிழமை பள்ளி வளாகத்தில் நடைபெற்றது.
இதில், சிறப்பு அழைப்பாளா்களாக நாமக்கல் தங்கம் மருத்துவமனை இயக்குநா் மல்லிகா குழந்தைவேல், தலைமை ஆசிரியை மரகதம், கலை பண்பாட்டுத் துறை அலுவலா் மணிகண்டன் ஆகியோா் பங்கேற்று மாணவா்களுக்கு சான்றிதழ்களை வழங்கினாா். முன்னதாக மாணவ, மாணவிகளின் பல்வேறு கலைநிகழ்ச்சிகள் நடைபெற்றன. இதற்கான ஏற்பாடுகளை ஜவஹா் சிறுவா் மன்ற திட்ட அலுவலா் தில்லை மா.சிவகுமாா், அலுவலா்கள் செய்திருந்தனா்.