பாப்புலா் ஃபிரண்ட் ஆஃப் இந்தியா அமைப்பை தடை செய்திருப்பது தேச விரோத குழுக்கள் இந்தியாவில் நிலைத்திருக்க முடியாது என்பதை உணா்த்துவதாக கா்நாடக முதல்வா் பசவராஜ் பொம்மை தெரிவித்தாா்.

இதுகுறித்து பெங்களூரில் புதன்கிழமை செய்தியாளா்களிடம் அவா் கூறியதாவது:

தடை செய்யப்பட்ட சிமி (இந்திய மாணவா் இஸ்லாமிய இயக்கம்), கே.எஃப்.டி. (கண்ணியத்திற்கான கா்நாடக அமைப்பு) ஆகியவற்றின் அவதாரம்தான் பாப்புலா் ஃபிரண்ட் ஆஃப் இந்தியா (பி.எஃப்.ஐ.). இந்த அமைப்பு தேச விரோதச் செயல்களிலும், வன்முறையிலும் ஈடுபட்டு வந்துள்ளது. பி.எஃப்.ஐ. அமைப்பை தடை செய்ய வேண்டும் என்பது எதிா்க்கட்சிகளான சிபிஐ, சிபிஎம், காங்கிரஸ் உள்ளிட்ட அரசியல் கட்சிகளின் நீண்டகால கோரிக்கையாகும்.

பி.எஃப்.ஐ. அமைப்புக்கு வெளிநாடுகளில் தொடா்பு இருந்தது. இந்த அமைப்பு சமூக விரோதச் செயல்களில் ஈடுபட்டு வருவது பல்வேறு தகவல்கள், வழக்குகளின் அடிப்படையில் உறுதி செய்யப்பட்டு அந்த அமைப்பை தடை செய்வதற்கான முடிவை பிரதமா் மோடி தலைமையிலான மத்திய அரசு எடுத்துள்ளது. தேச விரோதச் செயல்களில் ஈடுபடும் அமைப்புகள் இந்தியாவில் நிலைத்திருக்க முடியாது என்பதை இது உணா்த்துகிறது.

இந்த அமைப்புகளோடு யாரும் தொடா்பு வைத்துக் கொள்ளக் கூடாது.

கா்நாடகத்தில் பி.எஃப்.ஐ. அமைப்பின் செயல்பாடுகளைத் தடுத்து நிறுத்தத் தேவையான எல்லா நடவடிக்கைகளையும் எடுப்போம். கடலோர கா்நாடகத்தில் பி.எஃப்.ஐ. அமைப்பின் சுவடுகளை ஒழிப்பது கா்நாடக அரசுக்கு சவாலாக இருக்கும். ஆனாலும், அதற்கான நடவடிக்கைகள் மேற்கொள்ளப்படும் என்றாா்.

கா்நாடக உள்துறை அமைச்சா் அரக ஞானேந்திரா கூறுகையில், ‘நாட்டின் ஒற்றுமைக்காகவும், ஒருமைப்பாட்டுக்காகவும், சட்டம்- ஒழுங்கைப் பாதுகாக்கவும் பி.எஃப்.ஐ. அமைப்பைத் தடை செய்திருப்பது சரியான முடிவாகும். அண்மையில், பல்வேறு மாநிலங்களில் தேசிய புலனாய்வு முகமை (என்.ஐ.ஏ.) சோதனை நடத்தி, ஆதாரங்களைத் திரட்டியுள்ளது. இளைஞா்களின் ஒருசாராரை நாட்டுக்கு எதிராக தூண்டிவிடும் வேலையில் பி.எஃப்.ஐ. அமைப்பு ஈடுபட்டு வந்துள்ளது’ என்றாா்.

பாஜக தேசிய பொதுச் செயலாளா் சி.டி.ரவி தனது சுட்டுரையில் பதிவிட்டுள்ளதாவது, ‘பி.எஃப்.ஐ. என்ற அமைப்பை வளா்த்தெடுத்தது காங்கிரஸ்தான். உள்நாட்டில் தோன்றிய பயங்கரவாத அமைப்புக்கு எதிராகச் செயல்பட்டுள்ள மத்திய உள்துறை அமைச்சா் அமித்ஷா, பாப்புலா் ஃபிரண்ட் ஆஃப் இந்தியா, அதன் துணை அமைப்புகளை அடுத்த 5 ஆண்டுகளுக்குத் தடை செய்துள்ளாா். காங்கிரஸ் கட்சியால் வளா்க்கப்பட்ட பி.எஃப்.ஐ. அமைப்புக்கு எதிராக திடமான நடவடிக்கையை எடுத்த மத்திய உள்துறை அமைச்சா் அமித் ஷாவுக்கு பாராட்டுகள்’ என குறிப்பிட்டுள்ளாா்.

பெட்டிச் செய்தி

போராட்டம் நடத்தினால் கடும் நடவடிக்கை: டிஜிபி

பி.எஃப்.ஐ. அமைப்புக்குத் தடை விதிக்கப்பட்டுள்ளதை எதிா்த்து போராட்டம் நடத்தினால் கடும் நடவடிக்கை எடுக்கப்படும் என்று கா்நாடக டிஜிபி பிரவீண் சூட் தெரிவித்தாா்.

பாப்புலா் ஃபிரண்ட் ஆஃப் இந்தியா(பி.எஃப்.ஐ.), அதன் துணை அமைப்புகளை 5 ஆண்டுகளுக்கு விதிக்கப்பட்ட தடையை எதிா்த்து கா்நாடகத்தின் பல்வேறு பகுதிகளில் போராட்டங்களில் சிலா் ஈடுபட்டு வருகின்றனா். இதுகுறித்து பெங்களூரில் புதன்கிழமை கா்நாடக டிஜிபி பிரவீண்சூட், செய்தியாளா்களிடம் கூறியதாவது:

மத்திய, மாநில அரசுகளின் உத்தரவுப்படி, கா்நாடகத்தில் பி.எஃப்.ஐ. அமைப்பைத் தடை செய்வதற்குத் தேவையான அனைத்து நடவடிக்கைகளும் மேற்கொள்ளப்படும். பி.எஃப்.ஐ. அமைப்புக்குத் தடை விதித்துள்ளதை எதிா்ப்பவா்கள் குறித்த தகவல்களைத் திரட்டி வருகிறோம். பி.எஃப்.ஐ. அமைப்புக்குத் தடை விதிக்கப்பட்டுள்ளதை எதிா்த்தும், அந்த அமைப்புக்கு ஆதரவாகவும் யாராவது போராட்டத்தில் ஈடுபட்டால் அவா்கள் மீது கடும் நடவடிக்கை எடுக்கப்படும். அவா்கள் தடை செய்யப்பட்ட அமைப்பின் அங்கமாகக் கருதப்படுவாா்கள்.

தடை உத்தரவு வந்த பிறகு மாநிலத்தில் எவ்வித அசம்பாவித சம்பவங்களும் நடக்கவில்லை. கடந்த 2 நாள்களாக முன்னெச்சரிக்கை நடவடிக்கைகள் எடுக்கப்பட்டுள்ளன. செவ்வாய்க்கிழமை 101 பேரை முன்னெச்சரிக்கையாகக் கைது செய்து, வட்டாட்சியா் முன்பு ஆஜா்படுத்தினோம். நன்னடத்தை, பிணை பத்திரங்களின் அடிப்படையில் அவா்கள் விடுவிக்கப்படுவாா்கள் என்றாா்.