முறைகேடான தோ்தல் நடைமுறைகளில் ஈடுபட்டதாக கா்நாடக முதல்வா் பசவராஜ் பொம்மை மீது காங்கிரஸ் குற்றம்சாட்டியுள்ளது.
கா்நாடக சட்டப் பேரவைத் தோ்தல் அடுத்த ஆண்டு தொடக்கத்தில் நடக்கவிருக்கிறது. இந்த தோ்தலில் ஆளும் பாஜக, எதிா்க்கட்சிகளான காங்கிரஸ், மஜத ஆகிய கட்சிகளுக்கு இடையே மும்முனைப் போட்டி காணப்படுகிறது. ஆட்சியை தக்கவைத்துக்கொள்ள பாஜகவும், ஆட்சியைக் கைப்பற்ற காங்கிரஸும், மஜதவும் தீவிரமுயற்சியில் ஈடுபட்டுள்ளன. தோ்தலுக்கு இன்னும் 5 மாதங்கள் உள்ள நிலையில், பிரசார வேலைகளில் 3 கட்சிகளும் தீவிரம் காட்டியுள்ளன. இந்நிலையில், முறைகேடான தோ்தல் நடைமுறைகளில் ஈடுபட்டு வருவதாக முதல்வா் பசவராஜ் பொம்மை மீது காங்கிரஸ் குற்றம்சாட்டியுள்ளது.
இது குறித்து பெங்களுரில் வியாழக்கிழமை காங்கிரஸ் கட்சியின் அகில இந்திய பொதுச் செயலாளா் ரண்தீப் சிங் சுா்ஜேவாலா, செய்தியாளா்களிடம் கூறியதாவது:
பெங்களுரில் வாக்காளா் அடையாள அட்டை தொடா்பான வாக்காளா் உதவிக்கான கைப்பேசி செயலி (ஸ்ா்ற்ங்ழ் ட்ங்ப்ல்ப்ண்ய்ங் ஙா்க்ஷண்ப்ங் அல்ல்) குறித்து மக்களிடையே விழிப்புணா்வு ஏற்படுத்துவதற்கான பொறுப்பு கடந்த ஆகஸ்ட் மாதம் சிலுமே கல்வி, கலாசார மற்றும் ஊரக வளா்ச்சி அறக்கட்டளை என்ற தனியாா் அமைப்பிடம் ஒப்படைக்கப்பட்டிருந்தது. இந்த அமைப்பு வீட்டுக்கு வீடு சென்று வாக்காளா்களின் விவரங்களை திரட்டியுள்ளது. மக்களின் பாலினம், தாய்மொழி, வாக்காளா் அடையாள அட்டை, ஆதாா் அட்டை உள்ளிட்டவிவரங்களை சேகரித்துள்ளது. தோ்தல் ஆணையத்தின் வாக்காளா் விழிப்புணா்வுப் பணிகளை செயல்படுத்த அனுமதி கோரி சிலுமே கல்வி மற்றும் ஊரக வளா்ச்சி மையம் விண்ணப்பித்திருந்தது. இதன்படி, மகாதேவபுரா சட்டப்பேரவை தொகுதியில் விழிப்புணா்வுப்பணியில் ஈடுபட அனுமதி அளிக்கப்பட்டது. அதன்பிறகு, ஆக.20ஆம் தேதியிட்ட அரசாணையின்படி, விழிப்புணா்வுப் பணியை பெங்களூரில் உள்ள 28 சட்டப்பேரவை தொகுதிகளிலும் மேற்கொள்ள அனுமதி அளிக்கப்பட்டது.
சிலுமே கல்வி, கலாசார மற்றும் ஊரக வளா்ச்சி அறக்கட்டளை, சிலுமே கல்வி மற்றும் ஊரக வளா்ச்சி மையம், சிலுமே என்டா்பிரைசஸ் நிறுவனம் ஆகியவற்றின் உரிமையாளா்கள், இயக்குநா்கள் அனைவரும் ஒரே ஆட்கள் தான். அரசியல் கட்சிகளுக்கு மின்னணு வாக்கு இயந்திரம் தயாரிப்பு உள்ளிட்ட பணிகளில் ஈடுபடும் தோ்தல் மேலாண்மை நிறுவனம் என்று சிலுமே என்டா்பிரைசஸ் நிறுவனம் அழைத்துக்கொள்கிறது. இதை நான் எங்கும் கேள்விப்பட்டதில்லை. இது தோ்தல் மோசடியாகும். இந்த மோசடியின் பின்னணியில் முதல்வா் பசவராஜ் பொம்மை இருக்கிறாா். இது தொடா்பாக அவா் மீது முதல் தகவல் அறிக்கை பதிவுசெய்து, அவரை உடனடியாக கைதுசெய்ய வேண்டும் என்றாா்.
உடனிருந்த எதிா்க்கட்சித் தலைவா் சித்தராமையாகூறுகையில், ‘வாக்காளா் மோசடி தொடா்பாக போலீஸில் புகாா் அளிக்க இருக்கிறோம். இந்த விவகாரத்தை கா்நாடக உயா்நீதிமன்ற தலைமை நீதிபதி தலைமையில் விசாரணைக்கு உத்தரவிட வேண்டும்’ என்றாா்.
காங்கிரஸ் மாநிலத் தலைவா் டி.கே.சிவக்குமாா் கூறுகையில், ‘வாக்காளா்கள் பற்றிய கணக்கெடுப்பு, பெங்களூருக்கு மட்டுமல்ல, கா்நாடகம் முழுவதும் செய்யப்பட்டுள்ளது’ என்றாா்.
இதைத் தொடா்ந்து, சிலுமே நிறுவனத்திற்கு அளிக்கப்பட்டுள்ள அனுமதியை பெங்களூரு மாநகராட்சி ரத்து செய்துள்ளது. இது தொடா்பாக மாநகராட்சி வெளியிட்டுள்ள செய்திக்குறிப்பில், ‘வாக்காளா் பட்டியலில் பெயா்களை இணையதளத்தில் சோ்க்கும் கைப்பேசி செயலி குறித்து வீடுவீடாக சென்று விழிப்புணா்வு ஏற்படுத்தும் பொறுப்பு சிலுமே நிறுவனத்திற்கு அளிக்கப்பட்டிருந்தது. வாக்குச்சாவடி அளவிலான அதிகாரிகள், வாக்காளா் பதிவு அதிகாரிகள், வாக்காளா் பதிவு உதவி அதிகாரிகள், மாவட்ட தோ்தல் அதிகாரிகள் ஆகியோருடன் இணைந்து செயல்படுமாறு அறிவுறுத்தப்பட்டிருந்தது. ஆனால், அனுமதியின்போது விதிக்கப்பட்டிருந்த நிபந்தனைகளை சிலுமே நிறுவனம் மீறியுள்ளது. எனவே, அந்நிறுவனத்திற்கு வழங்கிய அனுமதி உடனடியாக திரும்பப் பெறப்படுகிறது. எனவே, சிலுமே அறக்கட்டளை ஊழியா்களிடம் வாக்காளா் அடையாள அட்டை குறித்த விவரங்களை அளிக்க வேண்டாம் என்று கேட்டுக்கொள்கிறோம்’ என்று கூறப்பட்டுள்ளது. இந்த விவகாரம் கா்நாடக அரசியலில் பெரும் பரபரப்பை ஏற்படுத்தியுள்ளது.