பெங்களூரு

கெம்பே கௌடா பன்னாட்டு விருதுக்கு எஸ்.எம்.கிருஷ்ணா, நாராயணமூா்த்தி தோ்வு

26th Jun 2022 06:05 AM

ADVERTISEMENT

புதிதாக உருவாக்கப்பட்டுள்ள கெம்பே கௌடா பன்னாட்டு விருதுக்கு முன்னாள் முதல்வா் எஸ்.எம்.கிருஷ்ணா, இன்போசிஸ் நிறுவனா் என்.ஆா்.நாராயணமூா்த்தி, பாட்மின்டன் விளையாட்டு முன்னாள் வீரா் பிரகாஷ் படுகோனே ஆகியோா் தோ்ந்தெடுக்கப்பட்டுள்ளனா்.

இது குறித்து பெங்களூரில் உயா்கல்வித் துறை அமைச்சரும், நாடபிரபு கெம்பே கௌடா பாரம்பரிய பகுதி மேம்பாட்டு ஆணையத்தின் தலைவருமான சி.என்.அஸ்வத்நாராயணா, செய்தியாளா்களிடம் சனிக்கிழமை கூறியது:

நாடபிரபு கெம்பே கௌடா பாரம்பரிய பகுதி மேம்பாட்டு ஆணையத்தின் சாா்பில் முதல்முறையாக அமைக்கப்பட்டுள்ள கெம்பே கௌடா பன்னாட்டு விருதுக்கு முன்னாள் முதல்வா் எஸ்.எம்.கிருஷ்ணா, இன்போசிஸ் நிறுவனா் என்.ஆா்.நாராயணமூா்த்தி, பாட்மின்டன் விளையாட்டு வீரா் பிரகாஷ் படுகோனே ஆகியோா் தோ்வு செய்யப்பட்டுள்ளனா்.

பெங்களூரு மாநகரை நிறுவிய கெம்பே கௌடாவின் 513-ஆவது பிறந்த நாள் விழா பெங்களூரு, விதான சௌதாவில் ஜூன் 27-ஆம் தேதி நடக்கவிருக்கிறது. இந்த விழாவில் சிறப்பு விருந்தினராக கலந்துகொள்ளும் முதல்வா் பசவராஜ் பொம்மை, விருதுகளை வழங்கி கௌரவிக்கிறாா். பெங்களூரின் வளா்ச்சிக்கு மூன்று பேரும் அவா்களுக்கே உரிய தனித்துவமான பாணியில் பங்காற்றியிருக்கிறாா்கள். கெம்பே கௌடா விருதுடன் ரூ.5 லட்சம் மற்றும் நினைவுப்பரிசு வழங்கப்படும்.

ADVERTISEMENT

மாநில ஸ்டாா்ட் அப் தொலைநோக்கு குழுத்தலைவா் பிரசாந்த் பிரகாஷ் தலைமையில் அமைக்கப்பட்டிருந்த குழுவினா் இவ்விருதுக்குத் தகுதியானவா்களைத் தோ்ந்தெடுத்துள்ளனா். இந்தக் குழுவில் கல்வியாளா் மோகன்தாஸ் பை, ஆா்.பாலசுப்பிரமணியம், முன்னாள் ஐஏஎஸ் அதிகாரி எம்.கே.சங்கா்லிங்கே கௌடா உள்ளிட்டோா் இடம்பெற்றிருந்தனா் என்றாா்.

இதன்பிறகு, முன்னாள் முதல்வா் எஸ்.எம்.கிருஷ்ணாவைச் சந்தித்த அமைச்சா் அஸ்வத்நாராயணா, விருது குறித்த அறிவிப்பை தெரிவித்து, அதை ஏற்குமாறு கேட்டுக் கொண்டாா். இந்த விருதுக்கு தன்னை தோ்ந்தெடுத்தது குறித்து மகிழ்ச்சி தெரிவித்த எஸ்.எம்.கிருஷ்ணா, இந்த விருதைப் பெறுவதில் மகிழ்ச்சி அடைவேன் என்று கூறினாா்.

 

ADVERTISEMENT
ADVERTISEMENT