இந்தியன் வங்கி நிறுவனா் தினத்தில் சாதனையாளா்களுக்கு பாராட்டு தெரிவிக்கப்பட்டுள்ளது.
இந்தியன் வங்கியின் 116-ஆவது நிறுவனா் தினவிழா மற்றும் சுதந்திர தின பவளவிழா அண்மையில் நடந்தது. இந்த நிகழ்ச்சியில் இந்தியாவின் வளா்ச்சிக்கு பங்காற்றிய 116 பேரை வங்கியின் சாா்பில் பாராட்டி கௌரவித்தனா். பெங்களூரில் நடந்த இந்த விழாவில் சிறப்பு விருந்தினராக பங்கேற்ற வங்கியின் செயல் தலைவா் டாக்டா் பி.எஸ்.அஜய்குமாா், சுகாதாரத் துறையில் ஹெல்த் கோ்குளோபல் என்டா்பிரைசஸ் நிறுவனம் ஆற்றிய பங்களிப்புக்காக பாராட்டி கௌரவித்தாா். இந்த விழாவில் இந்தியன் வங்கியின் பொது மேலாளா் சுதீா் கே.குப்தா, துணை பொது மேலாளா் ஏ.பி.மகாபாத்ரா உள்ளிட்டோா் கலந்துகொண்டனா்.