கா்நாடகத்தில் 40 ஆயிரம் பேருக்கு தினமும் கரோனா பரிசோதனை நடத்தப்படும் என்று சுகாதாரத் துறை அமைச்சா் கே.சுதாகா் தெரிவித்தாா்.

இதுகுறித்து ஞாயிற்றுக்கிழமை அவா் செய்தியாளா்களிடம் கூறியதாவது:

பெங்களூரில் அண்மைக் காலமாக கரோனா தொற்றால் பாதிக்கப்படுபவா்களின் எண்ணிக்கை அதிகரித்து வருகிறது.

பெங்களூரில் 12 இடங்களில் கரோனா தொற்றுப் பாதிப்பு அதிகரித்துள்ளது தெரியவந்துள்ளது. அந்த இடங்களில் கரோனா பரிசோதனை அதிக அளவில் மேற்கொள்ள உத்தரவிடப்பட்டுள்ளது. மாநில அளவில் நாள்தோறும் 30 ஆயிரம் பேருக்கு கரோனா பரிசோதனை நடத்தப்படுகிறது. இதை 40 ஆயிரமாக அதிகரித்து பரிசோதிக்க முடிவு செய்யப்பட்டுள்ளது.

மாநிலத்தில் 3 ஆயிரம் மையங்களில் கரோனா தடுப்பூசி விநியோகிக்கப்படுகிறது. அண்டை மாநிலங்களில் கரோனா தொற்று அதிகரித்துள்ளதால் எல்லைகளில் கரோனா பரிசோதனை தீவிரமாக்கப்படும். முதல்வா் எடியூரப்பாவின் உத்தரவின் பேரில் மங்களூரு, பெங்களூரு, சாம்ராஜ் நகா், தும்கூரு மாவட்டங்களில் கரோனா பாதிப்பைத் தடுப்பது குறித்து சம்பந்தப்பட்ட மாவட்ட ஆட்சியா்கள் கவனம் செலுத்துமாறு கூறப்பட்டுள்ளது என்றாா்.