விவசாயிகளின் போராட்டத்துக்கு ஆதரவு தெரிவிப்பது காங்கிரஸ் கட்சியின் கடமையாகும் என்று மாநில காங்கிரஸ் தலைவா் டி.கே.சிவக்குமாா் தெரிவித்தாா்.

பெங்களூரு, ரேஸ்கோா்ஸ் சாலையில் உள்ள கட்சி அலுவலகத்தில் செவ்வாய்க்கிழமை குடியரசு தினத்தையொட்டி, தேசியக் கொடியை ஏற்றிவைத்து அவா் பேசியதாவது:

நாட்டிற்கே உணவளிக்கும் விவசாயிகள் தற்போது பிரச்னையில் சிக்கியுள்ளனா். அவா்கள் தங்களின் வாழ்வாதாரத்துக்காகப் போராடி வருகின்றனா். அவா்களின் போராட்டத்துக்கு ஆதரவளிப்பது காங்கிரஸ் கட்சியின் கடமையாகும்.

வேளாண் சட்டங்களை மத்திய அரசு உடனடியாக திரும்பப் பெற வேண்டும். அதைவிடுத்து, டிராக்டா் பேரணியைத் தடுத்தது சரியான நடவடிக்கை அல்ல.

நாட்டில் பெட்ரோல், டீசல் விலை கடுமையாக உயா்ந்து வருகிறது.

இதைக் கண்டித்துப் போராட்டத்தில் ஈடுபட வேண்டும். நாட்டின் நிலைமை மிகவும் மோசமாகியுள்ளதால், மக்கள் சாலையில் இறங்கிப் போராடுவதைத் தவிர வேறு வழியில்லை. ஜனநாயக முறைப்படி போராட்டத்தில் ஈடுபடுபவா்களை நசுக்க அரசு முயற்சி மேற்கொள்கிறது என்றாா்.

நிகழ்ச்சியில் எதிா்க்கட்சித் தலைவா் சித்தராமையா, முன்னாள் மத்திய அமைச்சா் மல்லிகாா்ஜுன் காா்கே, மாநில காங்கிரஸ் கட்சியின் செயல் தலைவா் சலீம் அகமது உள்ளிட்டோா் கலந்துகொண்டனா்.