பெண்களுக்கு ஏற்படும் புற்றுநோய் குறித்து விழிப்புணா்வு ஏற்படுத்த வேண்டும் என மருத்துவா் வித்யாபட் கேட்டுக் கொண்டாா்.

பெங்களூரு, ராதாகிருஷ்ணன் பல்நோக்கு மருத்துவமனையில் ஞாயிற்றுக்கிழமை நடைபெற்ற பெண்களுக்கான புற்றுநோய் விழிப்புணா்வு நிகழ்ச்சியில் பங்கேற்று அவா் பேசியதாவது:

அண்மைக் காலமாக மாா்பக புற்றுநோய்க்கு அடுத்தப்படியாக கா்பப்பை புற்றுநோயால் பாதிக்கப்படும் பெண்களின் எண்ணிக்கை அதிகரித்து வருகிறது. இதைத் தடுக்க பெண்களிடம் தேவையான விழிப்புணா்வு தேவைப்படுகிறது.

2008-ஆம் ஆண்டில் புற்றுநோய்க்கான தடுப்பூசி பெங்களூரில் அறிமுகம் செய்யப்பட்ட பிறகு, புற்றுநோயால் பாதிக்கப்படுபவா்களின் எண்ணிக்கை 1.9 சதவீதமாக குறைந்து வருகிறது.

என்றாலும் புற்றுநோய் விவகாரத்தில் பெண்கள் விழிப்புணா்வுடன் இருந்தால், இறப்பு எண்ணிக்கையை கணிசமாக குறைக்க முடியும். ஆரம்பக்கட்டத்திலேயே புற்றுநோயைக் கண்டறிந்தால், குணமாக்க முடியும். எனவே பெண்கள் எச்சரிக்கையாகவும், விழிப்புணா்வுடன் இருப்பது அவசியம் என்றாா்.