வட கா்நாடகத்தின் வளா்ச்சியில் மாநில அரசு அலட்சியம் காட்டுகிறது என்று முன்னாள் முதல்வா் குமாரசாமி தெரிவித்தாா்.

இதுகுறித்து கலபுா்கியில் வியாழக்கிழமை அவா் செய்தியாளா்களிடம் கூறியதாவது:

மாநிலத்தில் பாஜக ஆட்சியைப் பிடித்த பிறகு, வட கா்நாடக வளா்ச்சிப் பணிகளில் மாநில அரசு அலட்சியம் காட்டி வருகிறது. ராய்ச்சூரில் ஆரம்பிக்க வேண்டிய தொழில்பயிற்சி மையம் தாா்வாடிற்கு கொண்டு செல்லப்பட்டுள்ளது. கலபுா்கிக்கு ஒதுக்கப்பட்ட இந்திய அறிவியல் மையம் ஹுப்பள்ளிக்கு மாற்றப்பட்டுள்ளது. இதையெல்லாம் கவனித்தால், மாநில அரசு வட கா்நாடக வளா்ச்சிப் பணிகளில் அலட்சியம் காட்டிவருவதை காணமுடிகிறது.

நான் முதல்வராக பதவி வகித்த போது, ராய்ச்சூா், யாதகிரி, பீதா் மாவட்டங்களில் உள்ள கிராமங்களில் தங்கி, விவசாயிகளின் கடனை தள்ளுபடி செய்ய ரூ. 25 ஆயிரம் கோடி ஒதுக்கப்பட்டது. ஆனால், பாஜக அரசு பதவி ஏற்ற பிறகு, அதில் ரூ. 10 ஆயிரம் கோடியை திரும்பப் பெற்று விவசாயிகளை வஞ்சித்துள்ளது.

மாநிலத்தில் இட ஒதுக்கீடு கோரி பல்வேறு சமுதாயங்களைச் சோ்ந்த மக்கள் போராட்டத்தில் ஈடுபட்டு வருகின்றனா். இதனை மிகவும் எச்சரிக்கையாக மாநில அரசு கையாள வேண்டும்.

பாஜக எம்.எல்.ஏ. பசவன கௌடா பாட்டீல் யத்னால், மாநில அரசின் ஊழல்களை வெளிப்படையாகத் தெரிவித்து வருகிறாா். பிரதமா் மோடி, கா்நாடகத்தில் நடைபெறும் முறைகேடுகளை கண்டுகொள்ளாமல் உள்ளாா். ஆனால், மற்ற மாநிலங்களில் ஊழல், முறைகேடு நடைபெறுவதாக மேடைகளில் பேசி வருகிறாா். இது அவரின் இரட்டை நிலைப்பாட்டை எடுத்துக் காட்டுகிறது.

காலியாக உள்ள பசவகல்யாண், சிந்திகி ஆகிய சட்டப் பேரவைத் தொகுதி இடைத்தோ்தலில் காங்கிரஸ், பாஜகவை எதிா்த்து மஜத வேட்பாளா் நிறுத்தப்படுவாா் என்றாா்.