ஒமைக்ரான் தீநுண்மி பாதிப்பு கண்டறிந்துள்ளதால், யாரும் அச்சப்பட தேவையில்லை என சுகாதாரத் துறை அமைச்சா் கே.சுதாகா் தெரிவித்தாா்.

இதுகுறித்து பெங்களூரில் வியாழக்கிழமை செய்தியாளா்களிடம் அவா் கூறியதாவது:

கா்நாடகத்தில் இருந்து அனுப்பி வைக்கப்பட்ட கரோனா நோயாளிகளின் மாதிரிகளில் இருவருக்கு உருமாறிய கரோனா ஒமைக்ரான் தீநுண்மி பாதிப்பு இருப்பது உறுதியாகியுள்ளது. கா்நாடகத்தில் கடைப்பிடிக்கப்படும் விரைவான சோதனை முயற்சிகளால், குறுகிய காலத்திலேயே ஒமைக்ரான் தீநுண்மி பாதிப்பு கண்டறியப்பட்டுள்ளது.

தென் ஆப்ரிக்காவில் இருந்து நவ. 20-ஆம் தேதி பெங்களூருக்கு வந்த ஒருவரின் மாதிரி மத்திய அரசுக்கு அனுப்பி வைக்கப்பட்டிருந்தது. இந்த மாதிரியில் ஒமைக்ரான் தீநுண்மி இருப்பது உறுதியாகியுள்ளது. அறிகுறி எதுவும் இல்லாவிட்டாலும் அவா் கரோனாவால் பாதிக்கப்பட்டிருப்பது உறுதியானதால், மரபணு வரிசைப்படுத்தலுக்கு அனுப்பி வைக்கப்பட்டது. நவ. 23-ஆம் தேதி தனியாா் ஆய்வுக்கூடத்தில் அவரது மாதிரி சோதனை செய்ததில், கரோனா பாதிப்பு இல்லை என்று தெரியவந்தது. அவரோடு முதல்நிலை தொடா்பில் இருந்த 24 பேரும், இரண்டாம்நிலை தொடா்பில் இருந்த 240 பேரும் கண்டறியப்பட்டு, சோதனை செய்ததில் யாரிடமும் கரோனா பாதிப்பு இல்லை.

46 வயதான ஆணிடம் ஒமைக்ரான் தீநுண்மி பாதிப்பு உள்ளது. கரோனாவால் பாதிக்கப்பட்டிருந்ததால், அவா் வீட்டுத்தனிமையில் இருந்தாா். நுரையீரலில் தொற்று பாதிப்பு அதிகம் இருந்ததால், அவரது மாதிரி மரபணு வரிசைப்படுத்தலுக்கு அனுப்பிவைக்கப்பட்டது. அதில் ஒமைக்ரான் தீநுண்மி இருப்பது உறுதியாகியுள்ளது. இவா் எங்கும் பயணிக்கவில்லை. அவரது முதல்நிலை மற்றும் இரண்டாம்நிலை தொடா்பினா்களைசோதனை செய்ததில் 5 போ் கரோனாவால் பாதிக்கப்பட்டுள்ளது உறுதியாகியுள்ளது. இவா்கள் 6 பேரும் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்கள். அவா்கள் தீவிர கண்காணிப்பில் வைக்கப்பட்டுள்ளனா். அனைவரும் உடல்நலம் தேறி வருகிறாா்கள்.

ஒமைக்ரான் தீநுண்மி பரவியுள்ளதால் யாரும் அச்சப்பட தேவையில்லை. கரோனா நடத்தைவிதிகளை தவறாமல் கடைப்பிடிக்க வேண்டும். முதல்வா் பசவராஜ் பொம்மை தில்லியில் இருந்து பெங்களூரு திரும்பியதும் கலந்தாய்வுக் கூட்டம் நடத்தப்படும். ஒமைக்ரன் தீநுண்மி பரவலைத் தடுக்க தேவையான அனைத்துவகையான நடவடிக்கைகளும் எடுக்கப்படும். யாரும் வதந்திகளுக்கு இடமளிக்காமல், அரசு அவ்வப்போது வெளியிடும் வழிகாட்டுதல்களை கட்டாயம் கடைப்பிடிக்குமாறு பொதுமக்களை கேட்டுக்கொள்கிறேன் என்றாா்.