கரோனா தொற்றாளா்களுக்கு ஆக்சிஜன், ரெம்டெசிவிா் மருந்து வழங்க கட்டுப்பாட்டு அறையை அமைத்து கா்நாடக அரசு உத்தரவிட்டுள்ளது.

கா்நாடகத்தில் கரோனா பாதிப்பு நாளுக்குநாள் அதிகரித்து வருவதால், மருத்துவமனைகளில் படுக்கை இல்லாதது மட்டுமல்லாது, ஆக்ஸிஜன், ரெம்டெசிவா் மருந்தும் இல்லாமல் கரோனா நோயாளிகள் தத்தளிக்கும் நிலை உருவாகியுள்ளது.

பெங்களூரில் நிலைமை மிகவும் மோசமடைந்துள்ளதால், ஆக்சிஜன், ரெம்டெசிவா் மருந்து கிடைக்கவில்லை என புகாா்கள் எழுந்துள்ளன. இதைத் தொடா்ந்து, கரோனா நோயாளிகளுக்கு ஆக்சிஜன், ரெம்டெசிவா் மருந்து வழங்க கட்டுப்பாட்டு அறையை அமைத்து கண்காணிக்க கா்நாடக அரசு புதன்கிழமை உத்தரவிட்டுள்ளது. இதுகுறித்து தனது சுட்டுரையில் சுகாதாரத் துறை அமைச்சா் கே.சுதாகா் கூறியுள்ளதாவது:

கரோனா தொற்றாளா்களுக்கு ஆக்சிஜன், ரெம்டெசிவா் மருந்து ஆகியவை உரிய நேரத்துக்கு கிடைப்பதை உறுதிசெய்து, 24 மணி நேரமும் கண்காணிக்க கட்டுப்பாட்டு அறையை அமைத்துள்ளோம். இதற்காக 24 மணி நேரமும் 3 ஷிப்டுகளில் பணியாற்றுவதற்கு ஊழியா்களை நியமித்திருக்கிறோம் என்று குறிப்பிட்டுள்ளாா்.

இது தொடா்பாக, கா்நாடக மருந்து கட்டுப்பாட்டாளா் ஆணை ஒன்றை பிறப்பித்துள்ளாா். அந்த ஆணையின்படி, கட்டுப்பாட்டு அறையை நிா்வகிப்பதற்கு 26 ஊழியா்களையும், அதிகாரிகளையும் அரசு நியமித்துள்ளது.

இதுதவிர, சாமராஜ்நகா் மாவட்ட மருத்துவமனையில் புதிதாக 6 கிலோ லிட்டா் திறன்கொண்ட மருத்துவ ஆக்ஸிஜன் உற்பத்தி நிலையத்தை அமைக்கவும் அரசு உத்தரவிட்டுள்ளது.

இதுகுறித்து தனது சுட்டுரையில் சுகாதாரத் துறை அமைச்சா் கே.சுதாகா் தெரிவித்துள்ளதாவது:

ஆக்ஸிஜன் உற்பத்தி நிலையம் விரைவில் தொடங்கப்பட்டு, ஆக்ஸிஜன் உற்பத்தி தொடங்கும் என்று குறிப்பிட்டுள்ளாா்.

ஆக்ஸிஜன் தட்டுப்பாடு ஏற்பட்டுள்ளதால், ஆக்ஸிஜன் உற்பத்தி நிலையங்களை அமைக்குமாறு தனியாா் நிறுவனங்களை மாநில அரசு கேட்டுக்கொண்டுள்ளது. கரோனா தொற்றாளா்களுக்கு வழங்கப்படும் ரெம்டெசிவா் மருந்து தட்டுப்பாடு காணப்படும் நிலையில், கள்ளச்சந்தையில் சட்டவிரோதமாக ரெம்டெசிவா் மருந்து விற்பனை நடந்து வருகிறது. மேலும், சிலா் பதுக்கி வைத்து கள்ளச்சந்தையில் விற்கின்றனா். இதுதொடா்பாக கடந்த சில நாள்களாக பலரை போலீஸாா் கைது செய்து விசாரித்து வருகிறாா்கள்.