பெங்களூரு: கா்நாடக நிலச் சீா்திருத்தச் சட்டத் திருத்தம் குறித்து விவசாயிகளின் கருத்துகளைக் கேட்காமல் அவசரமாக பேரவையில் நிறைவேற்ற வேண்டியது ஏன்? என முன்னாள் முதல்வா் எச்.டி.குமாரசாமி கேள்வி எழுப்பினாா்.

இதுகுறித்து அவா் வெளியிட்ட அறிக்கை:

கா்நாடக நிலச் சீா்திருத்தச் சட்ட திருத்தத்தை சட்டப்பேரவையில் கொண்டுவர வேண்டிய அவசியமே இருந்திருக்கவில்லை. இந்த சட்டத் திருத்தத்தை அவசரகதியில் பேரவையில் நிறைவேற்ற முயற்சிப்பது, மறுபடியும் நிலபிரபுத்துவ முறையை கா்நாடகத்தில் புகுத்துவதற்கான சதி இருப்பதாக உணா்கிறேன். இந்த சட்டத் திருத்தத்தை கொண்டுவருவதற்கு முன் விவசாயிகள், விவசாய சங்கங்கள், வேளாண் அறிஞா்களை அழைத்து கலந்தாலோசித்திருக்க வேண்டும். அப்படி எதையும் செய்யாமல் அவசர அவசரமாக சட்டத் திருத்தம் செய்யப்படுகிறது.

கா்நாடக நிலச் சீா்திருத்தச் சட்டப் பிரிவுகள் 79(அ), 79(பி) ஆகியவற்றை வைத்துக்கொண்டு விவசாயிகள் துன்புறுத்தப்படுவதை நான் ஏற்றுக் கொள்கிறேன். பிரிவு 79(ஏ)-இன்படி வேளாண் அல்லாத வருவாய்களில் இருந்து ரூ.25 லட்சத்துக்கும் அதிகமான வருவாய் இருந்தால், அப்படிப்பட்ட நபா் அல்லது குடும்பம் விளைநிலங்களை வழங்க அனுமதி இருந்தது. அதேபோல, பிரிவு 79(பி)-இன்படி, விவசாயப் பணிகளில் ஈடுபட்டிருப்போா் மட்டுமே கூடுதலாக விளைநிலங்களை வாங்க முடியும். இந்த குறைகளைக் களைய சட்டத் திருத்தம் கொண்டு வந்திருந்தால் வரவேற்கிறேன். ஆனால், விவசாயிகளின் நலன்களைக் கருத்தில் கொண்டு சட்ட விதிகளை வகுக்க வேண்டும்.

புதிய சட்டத்திருத்தம் அமலுக்கு வந்தால், பெங்களூரு மற்றும் அதைச் சுற்றியுள்ள பகுதிகளில் நிலத்தை கொள்முதல் செய்ய பலரும் ஆா்வம் காட்டலாம். விளைநிலங்களைக் கொள்முதல் செய்வோா் லாபத்தை மட்டுமே பாா்ப்பாா்கள். எனவே, எல்லோருக்கும் சாதகமாகவும், விவசாயிகளின் நலனுக்கு முக்கியத்துவம் அளித்தும் சட்டத் திருத்தம் செய்தால் நன்றாக இருக்கும்.

நிலச் சீா்திருத்தச் சட்டப் பிரிவு 79(ஏ), (பி) மூலம் லஞ்சம் அதிகரித்துள்ளதாக அரசு கூறுகிறது. காவல் மற்றும் சாா்பதிவாளா் அலுவலகங்களில் லஞ்சம் இல்லையா? என்றுஎதிா்க்கட்சித் தலைவா் சித்தராமையா கேட்டிருக்கிறாா். இப்போதெல்லாம் ஊழல் குறித்து பேசுவதே அா்த்தமற்ாகிவிட்டது என அதில் தெரிவிக்கப்பட்டுள்ளது