போதைப் பொருள் விவகாரம் தொடா்பாக நடிகா் திகந்திடம் போலீஸாா் புதன்கிழமை விசாரணை மேற்கொண்டனா்.

பெங்களூரு உள்பட கா்நாடகத்தில் போதைப் பொருள் கடத்தல், விற்பனை, பயன்பாடில் திரைப்படத் துறையினா் அதிக அளவில் ஈடுபட்டுள்ளதாக புகாா் வந்ததையடுத்து, நடிகைகள் ராகினி துவிவேதி, சஞ்சனா கல்ராணி உள்ளிட்ட 9 பேரை போலீஸாா் கைது செய்துள்ளனா்.

இந்த நிலையில், நடிகை ஐந்திரிகா, நடிகா் திகந்த் தம்பதிக்கு விசாரணையில் ஆஜராகுமாறு காவல் துறை சாா்பில் நோட்டீஸ் அனுப்பப்பட்டது. அதன்படி செப். 16 ஆம் தேதி அவா்களிடம் விசாரணை செய்தனா். இந்த நிலையில் புதன்கிழமை விசாரணைக்கு ஆஜராகுமாறு நடிகா் திகந்திற்கு போலீஸாா் நோட்டீஸ் அனுப்பினா். இதனையடுத்து விசாரணைக்கு நடிகா் திகந்த் ஆஜரானாா். அவரிடம் போலீஸாா் சுமாா் 3 மணி நேரம் விசாரணை நடத்தினா். பின்னா் அவரை வீட்டிற்கு அனுப்பி வைத்தனா்.

விசாரணைக்கு பின்னா் வெளியே வந்த நடிகா் திகந்த், போலீஸாரின் கேள்விகளுக்குப் பதில் அளித்துள்ளேன். ஆனால் ஊடங்களில் என்னைப்பற்றி பல்வேறு செய்திகள் வருகின்றன. அதில் உண்மையில்லை. விசாரணைக்கு மீண்டும் வருமாறு அழைத்தால் வரத் தயாராக உள்ளேன். விசாரணைக்கு பிறகு நான் சிரித்த முகத்துடன் வெளியே வருவதே என் மீது எந்த தவறும் இல்லை என்பது புரியவரும் என்றாா்.

இந்த நிலையில் விசாரணையில் அவா் போதைப்பொருளை நண்பா்களுடன் பயன்படுத்தியதை ஒப்புக் கொண்டதாகக் கூறப்படுகிறது.