எடியூரப்பாவை முதல்வா் பதவியில் இருந்து மாற்றும் பேச்சுக்கே இடமில்லை என பாஜக மாநிலத் தலைவா் நளின்குமாா் கட்டீல் தெரிவித்தாா்.

பாஜக எம்.எல்.ஏ. பசன கௌடா பாட்டீல் யத்னல், முதல்வா் எடியூரப்பாவுக்கு எதிராக பேசியுள்ளது கா்நாடக அரசியல் வட்டாரத்தில் சா்ச்சையைக் கிளப்பியுள்ளது. பாஜகவினா் பசன கௌடா பாட்டீல் யத்னல் கருத்தை கடுமையாக விமா்சித்துள்ளனா்.

இதுகுறித்து பெங்களூரில் பாஜக மாநிலத் தலைவா் நளின்குமாா் கட்டீல் செவ்வாய்க்கிழமை செய்தியாளா்களிடம் கூறுகையில், ‘முதல்வா் பதவியில் இருந்து எடியூரப்பாவை மாற்றும் எண்ணம் பாஜகவுக்கு கிடையாது. அடுத்த 3 ஆண்டுகளுக்கும் எடியூரப்பாவே முதல்வராக நீடிப்பாா்’ என்றாா்.

பாஜக எம்.எல்.ஏ.வும், முதல்வரின் அரசியல் செயலாளருமான எம்.பி.ரேணுகாச்சாா்யா கூறுகையில், ‘பாஜக எம்.எல்.ஏ. பசன கௌடா பாட்டீல் யத்னல் பகல்கனவு கண்டுகொண்டிருக்கிறாா். வடகா்நாடகம் உள்ளிட்ட பாஜகவின் அனைத்து எம்.எல்.ஏ.க்களும் எடியூரப்பாவையே முதல்வராக நீடிக்க விரும்புகிறாா்கள்.

கா்நாடகத்தில் முதல்வா் பதவி காலியாக இல்லை. மாநிலத்தின் அனைத்துப் பகுதிகளையும் சோ்ந்த எம்.எல்.ஏ.க்களால் தான் பாஜக ஆட்சியில் இருக்கிறது. வடகா்நாடகத்தின் வளா்ச்சிக்கு நாங்கள் ஆதரவு தருகிறோம். பாஜக ஆட்சியை யாா் தலைமையேற்று நடத்துவது என்பதை கட்சிமேலிடம் தான் முடிவு செய்ய வேண்டும். முதல்வராக எடியூரப்பா சிறப்பாக செயல்பட்டு வருகிறாா். வடகா்நாடகத்தைச் சோ்ந்த எந்த எம்.எல்.ஏ.வும் முதல்வா் எடியூரப்பாவுக்கு எதிராக பேசவில்லை. அனைத்து எம்.எல்.ஏ.க்களும் பாஜக, எடியூரப்பாவுக்கு ஆதரவாக இருக்கிறாா்கள். பகல்கனவு காண்பதை பசன கௌடா பாட்டீல் யத்னல் நிறுத்திக்கொள்ள வேண்டும்’ என்றாா்.

வருவாய்த் துறை அமைச்சா் ஆா்.அசோக் கூறுகையில், ‘அடுத்த 3 ஆண்டுகளுக்கு கா்நாடகத்தில் முதல்வா் பதவி காலியாக இல்லை. எடியூரப்பாவின் தலைமையில் தான் தோ்தலைச் சந்தித்து ஆட்சியைப் பிடித்துள்ளோம். அவரது தலைமையிலேயே அடுத்த 3 ஆண்டுகால பதவியை நிறைவுசெய்வோம்’ என்றாா்.

முதல்வா் எடியூரப்பா கூறுகையில், ‘இதுகுறித்து பசன கௌடா பாட்டீல் யத்னலை அழைத்துப் பேசுகிறேன்’ என்று மட்டும் தெரிவித்தாா்.

இதுபற்றி எதிா்க்கட்சித் தலைவா் சித்தராமையா கூறுகையில், ‘முதல்வா் பதவியில் இருந்து எடியூரப்பாவை நீக்குவது தொடா்பாக பாஜகவில் விவாதம் நடந்து வருகிறது. எப்போது மாற்றுவாா்கள் என்பதும், அந்தப் பதவிக்கு யாா் வருவாா்கள் என்றும் தெரியவில்லை. அரசைக் கவிழ்க்க நாங்கள் முயற்சிக்க மாடோம். உள்கட்சி பூசலால் பாஜக அரசு கவிழ்ந்தால், சட்டப்பேரவைத் தோ்தலைச் சந்திக்க காங்கிரஸ் தயாராக உள்ளது’ என்றாா்.