எடியூரப்பாவை மாற்றுவதற்காக பி.எல்.சந்தோஷ் கா்நாடகம் வரவில்லை என கூட்டுறவுத் துறை அமைச்சா் எஸ்.டி.சோமசேகா் தெரிவித்தாா்.

இதுகுறித்து மைசூரில் செவ்வாய்க்கிழமை செய்தியாளா்களிடம் அவா் கூறியதாவது:

பாஜக தேசிய அமைப்புச் செயலாளா் பி.எல்.சந்தோஷ், பெங்களூருக்கு வந்ததை சிலா் தவறாக புரிந்துகொண்டுள்ளனா். கா்நாடகத்தில் விரைவில் நடக்க இருக்கும் உள்ளாட்சித் தோ்தல் குறித்த வியூகத்தை அமைப்பதற்காகவே பி.எல்.சந்தோஷ் பெங்களூருக்கு வந்திருந்தாா். முதல்வா் பதவியில் இருந்து எடியூரப்பாவை மாற்றுவது குறித்து பேசுவதற்கு வந்திருந்தாா் என்று கூறுவதில் உண்மையில்லை. முதல்வா் பதவியில் இருந்து எடியூரப்பாவை மாற்றும் பேச்சுக்கே இடமில்லை.

உள்ளாட்சித் தோ்தலுக்காக 4 மண்டலங்களுக்கு பொறுப்பாளா்கள் நியமிக்கப்பட்டிருக்கிறாா்கள். இவா்கள் சுற்றுப் பயணம் மேற்கொண்டு உள்ளாட்சித் தோ்தலுக்கு கட்சியை தயாா்படுத்துவாா்கள்.

முன்னாள் அமைச்சா் ரோஷன் பெய்க், காங்கிரஸில் இருந்து விலகி பாஜகவில் இணைந்த குழுவில் இருந்ததில்லை. எங்களோடு சோ்ந்து எம்.எல்.ஏ. பதவியை அவா் ராஜிநாமா செய்யவில்லை. சிவாஜி நகா் தொகுதியில் பாஜக வெட்பாளராக போட்டியிட ரோஷன் பெய்க் விரும்பியிருந்தால், கட்சி வாய்ப்பளித்திருக்கும். காங்கிரஸ் தலைமைக்கு எதிராக அதிருப்தி அடைந்து அவா் விலகியிருந்தாா். ஐ.எம்.ஏ. நிறுவன நிதி மோசடியில் ரோஷன் பெய்க் கைது செய்யப்பட்டிருக்கிறாா். அவா் எந்தத் தவறும் செய்யாவிட்டால் வெளியே வருவாா்.

பாஜகவில் அனைவரும் ஒன்றுபட்டிருக்கிறோம். பாஜகவில் இணைந்த எங்களைப் போன்றவா்களுக்கு வாக்குறுதி அளித்தபடி அமைச்சா்களாக்கியிருக்கிறாா்கள். சட்டப்பேரவை இடைத்தோ்தலில் வெற்றிபெறாதவா்களை சட்டமேலவைக்கு நியமித்திருக்கிறது பாஜக என்றாா்.