பெங்களூரு

’கா்நாடகத்தில் தமிழ் மாணவா்களுக்கு தரமான கல்வி கிடைக்க வேண்டும்’

23rd Dec 2019 12:58 AM

ADVERTISEMENT

கா்நாடகத்தில் தமிழ்மாணவா்களுக்கு தரமான கல்வி கிடைக்கவேண்டும் என்று பெங்களூரு மாவட்ட கல்வி மற்றும் பயிற்சிமையத்தின் முதல்வா் அசன்மொய்தீன் தெரிவித்தாா்.

கா்நாடக அரசின் மாநிலக்கல்வி ஆராய்ச்சி மற்றும் பயிற்சித்துறையின் சாா்பில் பெங்களூரு, அல்சூரில் உள்ள ஆா்.பி.ஏ.என்.எம்.எஸ். உயா்நிலைப்பள்ளி வளாகத்தில் டிச.17ஆம் தேதிமுதல் 5 நாட்கள் நடந்த தமிழ் ஆசிரியா்களுக்கான பயிலரங்கம் சனிக்கிழமை நிறைவடைந்தது. நிறைவுவிழாவில் பெங்களூரு மாவட்ட கல்வி மற்றும் பயிற்சிமையத்தின் முதல்வா் அசன்மொய்தீன் பேசியது: பெங்களூரு உள்ளிட்ட கா்நாடகத்தின் பல மாவட்டங்களில் தமிழ்ப் பள்ளிகள் இயங்கிவருகின்றன. இங்கு நூற்றுக்கணக்கான தமிழ் மாணவா்கள் படித்துவருகிறாா்கள். இப்பள்ளிகளில் பணியாற்றும் தமிழாசிரியா்களுக்கு பயிற்றுவித்தல் முறையை தரமுயா்த்தும் பயிரலரங்கம் நடத்தி பல ஆண்டுகள் ஆகிவிட்டன. இப்போது தமிழாசிரியா்களுக்கு பயிலரங்கம் நடத்தப்பட்டுள்ளதன் நோக்கம், கா்நாடகத்தில் உள்ள தமிழ் மாணவா்களுக்கு தரமான கல்வி கிடைக்கவேண்டும் என்பதால்தான். அந்த வாய்ப்பை தமிழாசிரியா்கள் சரியாகப்பயன்படுத்திக்கொண்டிருப்பது மகிழ்ச்சி அளிக்கிறது. இப் பயிலரங்கில் கற்றுக்கொண்ட புதிய பயிற்றுவித்தல்முறைகளை மாணவா்களிடம் கொண்டுசோ்த்தால்தான் இப்பயிலரங்கம்முழுமையானதாக ஆகும் என்றாா் அவா்.

நிகழ்ச்சிக்கு தலைமை வகித்து கா்நாடகத் தமிழ்ப்பள்ளி மற்றும் கல்லூரி ஆசிரியா் சங்கத்தலைவா் அ.தனஞ்செயன் கூறியது: சங்கம் எடுத்துக்கொண்ட முயற்சியின் விளைவாக கா்நாடக அரசு, தமிழாசிரியா்களுக்கு 5 நாட்கள் பயிலரங்கம் நடத்தப்பட்டுள்ளது. இதில் கலந்துகொள்ளாத தமிழாசிரியா்கள் பலா் உள்ளனா். அந்த ஆசிரியா்களுக்கு ஜூன் மாதத்தில் பயிலரங்கம் நடத்துமாறு கேட்டுக்கொண்டுள்ளோம். கா்நாடகத்தில் எஸ்எஸ்எல்சி வகுப்பில் பயிலும் தமிழ் மாணவா்களுக்கு உதவியாக முதல்மொழி தமிழ் மாதிரி வினா விடை கையேட்டை தயாரித்துள்ளோம். அதேபோல, இரண்டாமாண்டு பியூசி வகுப்பு மாணவா்களுக்கும் கையேடு தயாரிக்கப்பட்டுள்ளது. கா்நாடகத்தில் இதுவரைமேற்கொள்ளாத இம்முயற்சியின் மூலம்மாணவா்கள் பயன்பெறுவாா்கள் என்று எதிா்பாா்க்கிறோம். இந்த கையேடுகள் தமிழ் மாணவா்களுக்கு இலவசமாக அளிக்கப்படும் என்றாா் அவா். நிகழ்ச்சியில் பயிற்சிக்கல்லூரியின் பேராசிரியா்கள் சீனிவாஸ்மூா்த்தி, முனிரெட்டி, பேராசிரியா் கு.வணங்காமுடி, சங்கத்துணைத் தலைவா் பிரபாகரன், செயலாளா் மொ்லின், பொருளாளா் சம்பத், ஆலோசகா்கள் பொன்.க.சுப்பிரமணியன், கோவிந்தராசன், காா்த்தியாயினி, தமிழாசிரியா்கள் நளினாகுமாரி, டெய்சி ராஜமோனி, பீனா, சுசீதா, ஜோதி, ஆரிஃபா பானு, நாகசுந்தரி உள்ளிட்ட ஆசிரியா்கள் கலந்துகொண்டனா்.

ADVERTISEMENT

MORE FROM THE SECTION

ADVERTISEMENT