வெள்ளிக்கிழமை 14 டிசம்பர் 2018

கஜா புயல் நிவாரணத்துக்கு மத்திய அரசு மேலும் நிதி வழங்கும்

DIN | Published: 07th December 2018 01:58 AM


கஜா புயல் நிவாரணத்துக்கு மத்திய அரசு அடுத்தகட்டமாக நிதி வழங்கும் என மத்திய இணை அமைச்சர் பொன்.ராதாகிருஷ்ணன் கூறினார். 
சிதம்பரத்தில் அவர் வியாழக்கிழமை செய்தியாளர்களிடம் கூறியதாவது: 
நெல் ஜெயராமன் மறைவு தமிழகத்துக்கும், விவசாயிகளுக்கும் பேரிழப்பாகும். புதுவை நியமன எம்எல்ஏக்கள் வழக்கில் உச்ச நீதிமன்றம் நல்ல தீர்ப்பை அளித்துள்ளது. 3 நியமன எம்எல்ஏக்களை ஜனநாயகக் கடமையாற்றவிடாமல் தடுத்த புதுவை மாநில காங்கிரஸ் அரசு பகிங்கர மன்னிப்புக் கோர வேண்டும்.
கஜா புயல் நிவாரணத்துக்கு மத்திய அரசு அடுத்தக்கட்டமாக நிதி வழங்கும். காவிரி பிரச்னை, விவசாயிகள் பிரச்னை குறித்து பேசுவதற்கு காங்கிரஸ், திமுக கட்சியினருக்கு தகுதி இல்லை. இதுகுறித்து விவாதம் நடத்த தயாராக உள்ளேன்.150 ஆண்டு கால காவிரி பிரச்னைக்கு தீர்வு கண்டவர் பிரதமர் நரேந்திர மோடி. 
மேக்கேதாட்டுவில் அணை கட்ட மத்திய அரசு அனுமதி வழங்கவில்லை. அதுகுறித்த ஆய்வுக்குத் தான் அனுமதி அளித்துள்ளது. இந்த விவகாரம் தொடர்பாக தமிழக சட்டப் பேரவையில் எடுக்கும் நடவடிக்கைகள் நியாயமாக இருக்கும்பட்சத்தில் அதை ஆதரிப்பதில் தவறில்லை. 13 கடலோர மாவட்டங்கள் பயன்பெறும் வகையில் கிழக்கு கடற்கரைச் சாலைத் திட்டம் செயல்படுத்தப்பட உள்ளது என்றார் அவர்.
 

More from the section

வங்கக் கடலில் காற்றழுத்தத் தாழ்வு மண்டலம்: 1ம் எண் புயல் எச்சரிக்கை கூண்டு ஏற்றம்
ஆலவிருட்சத்தின் இலைகள் உதிர்வதால் விருட்சமே இல்லாமல் போய்விடுமா? டிடிவி தினகரன் சூசகம்
தாழ்வு மண்டலம் தீவிரப் புயலாக மாறி ஆந்திராவை நோக்கி நகரும்: இந்திய வானிலை மையம்
மேக்கேதாட்டு விவகாரம் குறித்து சட்டப்பூர்வமாக நடவடிக்கை எடுக்க வேண்டும்: நடிகர் ரஜினிகாந்த்
டிஎஸ்பி விஷ்ணுபிரியா தற்கொலை வழக்கை தொடர்ந்து சிபிஐ விசாரிக்க வேண்டும்: கோவை நீதிமன்றம் உத்தரவு