5 மாநில தேர்தல் முடிவுகளும் பாஜக-வுக்கு விடுக்கப்பட்ட எச்சரிக்கை என சிவ சேனை, செவ்வாய்கிழமை விமர்சித்தது. இதுதொடர்பாக சிவ சேனை கட்சியின் மூத்த தலைவரும், அக்கட்சியின் மாநிலங்களவை கொறடாவுமான சஞ்சய் ராவத் தெரிவித்ததாவது:
5 மாநில தேர்தல் முடிவுகளும் பாஜக-வுக்கு விடுக்கப்பட்ட எச்சரிக்கை ஆகும். எனவே இனியாவது சுயபரிசோதனை செய்துகொள்வது மிகவும் அவசியமாகும் என்றார்.
கடந்த தேர்தல்களில் மத்தியிலும், மாநிலத்திலும் கூட்டணி அமைத்து தேர்தல்களை சந்தித்து வந்த பாஜக, சிவ சேனை கட்சிகள் கடந்த 2014 மஹாராஷ்டிர சட்டப்பேரவைத் தேர்தலின் போது தனித்தனியே போட்டியிட்டன.
ஆனால் பின்னர் கூட்டணி அமைத்து ஆட்சி அமைத்தது. இவ்விரு கட்சிகள் இடையே ராமர் கோயில் உட்பட பல பிரச்னைகள் நீடித்து வருவது குறிப்பிடத்தக்கது.