செவ்வாய்க்கிழமை 11 டிசம்பர் 2018

டிவிஎஸ்: எக்ஸ்எல் ஐ-டச் ஸ்டார்ட் மாடல் அறிமுகம்

DIN | Published: 24th November 2018 12:53 AM
டிவிஎஸ் எக்ஸ் எல்100 நிறுவனத்தின் புதிய மாடலை அறிமுகப்படுத்தும்  டிவிஎஸ் மோட்டார் கம்பெனியின் உதவி பொதுமேலாளர் என்.ஆர். விக்னேஷ்,  மேலாளர் பத்ரி நாராயணன்.


டிவிஎஸ் நிறுவனத்தின் புதிய தயாரிப்பான எக்ஸ்எல் 100 ஹெவி டியூட்டி ஐ டச் ஸ்டார்ட் வாகனத்தின் அறிமுக விழா கோவையில் நடைபெற்றது. 
இதுதொடர்பாக டிவிஎஸ் நிறுவனத்தின் துணைப் பொது மேலாளர்(பயன்பாட்டு வாகனங்கள் பிரிவு) என்.ஆர்.விக்னேஷ் செய்தியாளர்களிடம் கூறியதாவது:
டிவிஎஸ் எக்ஸ்எல்100 இருசக்கர வாகனங்கள் தினசரி உபயோகத்துக்கும், சரக்குப் போக்குவரத்துக்கும் உகந்த வகையில் வடிவமைக்கப்பட்டிருந்தன. இதற்கு வாடிக்கையாளர்களிடையே நல்ல வரவேற்பு இருந்தது. இந்நிலையில், இதன் மேம்படுத்தப்பட்ட புதிய பதிப்பான டிவிஎஸ் எக்ஸ்எல் 100 ஹெவி டியூட்டி ஐ-டச் ஸ்டார்ட் எனும் புதிய மாடலை அறிமுகப்படுத்தியுள்ளோம். தற்போதுள்ள வாகனங்களில் இடம்பெற்றுள்ள முக்கிய சிறப்பம்சமான எலக்ட்ரிக் ஸ்டார்ட் வசதி இதில் உள்ளது. 
இந்தியாவில் முதல்முறையாக ஸ்டார்ட்டர் ஜெனரேட்டர் எனும் புதிய எலக்ட்ரிக் ஸ்டார்ட் தொழில்நுட்பத்துடன் இது வடிவமைக்கப்பட்டுள்ளது. இந்தப் புதிய தொழில்நுட்பத்தின் மூலமாக மற்ற மாடல்களுடன் ஒப்பிடுகையில் 30 சதவீதம் குறைவான பேட்டரி ஆற்றலையே இது பயன்படுத்தும்.
மேலும், இந்த வாகனம் அகலமான பிளாட்ஃபார்மை கொண்டுள்ளது. இதன்மூலமாக கூடுதலான சரக்குகளை ஏற்றிச் செல்ல முடியும். இதேபோல தேவைப்படாதபோது பிரித்து எடுத்துக்கொள்ளக்கூடிய வகையில் பின்புற இருக்கை வசதியும் உள்ளது. 
கனரக டியூரா கிரிப் டயர்கள் பொருத்தப்பட்டுள்ளதால் அனைத்து விதமான சாலைகளிலும் பயணிக்க வசதியாக இந்த வாகனம் இருக்கும். இந்த வாகனத்தின் மீட்டர்களின் அருகே செல்லிடப்பேசியை சார்ஜ் செய்வதற்கான இணைப்பும் அமைக்கப்பட்டுள்ளது.
இந்த மாடல் பச்சை, சிவப்பு, கருப்பு, நீலம், காப்பர் ஷைன், கிரே, மினரல் பர்ப்பிள் ஆகிய வண்ணங்களில் கிடைக்கும். இதன் விலை ரூ. 37, 300-ஆக (எக்ஸ்-ஷோரூம்) நிர்ணயிக்கப்பட்டுள்ளது என்றார்.


 

More from the section

எக்ஸ்-பிளேடின் ஏபிஎஸ் ரகம்: அறிமுகப்படுத்தியது ஹோண்டா
நவம்பர் மாத கார் விற்பனை 3.4% சரிவு
லக்னெள - இராக் நேரடி விமான சேவை: ஏர் இந்தியா பரிசீலனை
தேர்தல் வாக்கு கணிப்புகள் எதிரொலி: சென்செக்ஸ் 714 புள்ளிகள் வீழ்ச்சி
ரிசர்வ் வங்கி துணை ஆளுநர் ராஜிநாமா?